Zeyla Yewine Ya Mûcîzeyanê Ehmediye
[Seba ke Vateyo Newêsin û zeyla ey Rîsaletê Ehmediye (‘e.s.w.) û mûcîzeyê şeqqa qemerî ser o yo, bi munasebetê meqamî tiya de ame bicakerdiş.]
1
Lem’eya çarêsin a ke çarês Reşhayan gîna zereyê xo:
REŞHAYA AYE YA YEWINE: Hîrê tarîfkerdoxê gird û kulliyê ke Rebbê ma bi ma danê şinasnayîş estê. Yew tira no kitabê kaînatî yo ke yew nebze ma şahîdiya ey hîrês lem’eyan ra û Dersê Hîrêsin yê Rîsaleyê Nurî ra eşnawit. Yew tira Xatemul Enbiya ‘eleyhîsselatu wesselam o ke ayeta kubra ya nê kitabê kebîr o. Yew tira Quranê ‘Ezîmuşşan o. Nika ganî ma nê Xatemul Enbiyayê ‘eleyhîsselatu wesselamî, ke burhano natiq ê diyin o, bişinasnê û ey bigoşdarî.