nêeşkenê têkilî xeberedayîşê Ey bibî. Hetta zaf wextan de, embazê xo yo Hezretê Cibrîl zî, ge-ge xo ra pey verdano.

Esaso Şeşin: Hem O Zat (o ke seyyîdê melayket, cin û beşerî yo), fêkiyê tewr munewer û mukemmel ê dara kaînatî û tîmsalê rehmetê Îlahî û mîsalê muhebbetê Rebbanî û burhanê tewr munewer ê Heq û sîracê tewr roşn ê heqîqetî û mifteyê tilsimê kaînatî û keşşafê muemmayê xilqetî û şarihê hîkmetê alemî û dellalê seltenetê Îlahî û wessafê mehasinê sen’etê Rebbanî û hetê camîiyetê îstîdatî ra O zat, nimûneyo tewr mukemmel ê kemalatanê mewcûdan de yo. Eke wina yo, nê wesfê Ey zatî û şexsiyetê Eyo me’newî, îşaret keno, belkî nawneno ke O zat, îlletê meqsedê kaînatî yo, yanî Xaliqê nê kaînatî, Ey zatî ra ewniyayo û kaînat xelq kerdo. Eşkiyeno ke bêro vatiş eke Ey O îcad nêkerdêne, do kaînat zî îcad nêkerdêne. Belê, Heqîqetê Quranî ke cin û insî rê ardê û nurê îmanî û exlaqê alî û kemalê berzî ke zatê Ey de asenê, nê heqîqetî rê şahîdê qat’î yê.   

Esaso Hewtin: Hem Ey burhanê Heq û sîracê Heqîqetî, dîn û şerîetêko wina nawnayo ke; înan de distûrê ke seadetê her di cîhanî temîn kenê estê. Û wina biyayîşî reyde, heqîqet û wezîfeyê kaînatî û esma û sifetê Xaliqê kaînatî, bi heqqaniyetêko kemilî beyan kerdo. Ha yo o Îslam û şerî‘et, bi hawayêk wina muhît û mukemmel o û bi hawayêk wina kaînatî xo reyde tarîf keno ke, o ke weş bala xo bido mahiyetê Ey, helbet do fehm bikero ke o dîn, yew beyannameyê Zatêk o, ke ey no kaînato weşik viraşto, ta ke pê nê kaînatî xo reyde tarîf bikero û tarîfeyê Ey bi xo yo. Senî ke westayê yew qesre, tarîfeyêk ke minasibê ey kaînatî bo virazeno, seba ke xo bi wesfanê xo reyde binawno, tarîfeyêk gîno qeleme, wina zî dîn û şerîetê Muhemmediye (‘e.s.w.)î de îhatayêk, ulwiyiyêk,