wezîfeyê Ey de û dînê Ey de yê, heqqaniyetê Ey rê û sidqê ey rê, wina yew nuqtaya îstînadî ya quwetina ke tu hetêk ra nêleqena.

Esaso Çarin: Hem O dellalê wehdaniyet û seadetî ke madenê kemalan û malimê/mamostayê exlaqê berzî yo, xo ver a û xo bi xo nêvano; belkî bide yeno vatene. Belê, hetê Xaliqê kaînatî ra bide yeno vatene. Seydayê xo yê Ezelî ra ders gîno; dima ders dano. Çunke îşaretanê corênan de, hezaran bi delîlanê nubuwwetî ke ameyî beyankerdiş, Xaliqê kaînatî, ê heme mûcîzeyê ke destê ey de xelqkerdiş reyde, nawna ke; O, hesabê Ey ser o qisey keno, kelamê Ey teblîx keno. Hem narey Qurano ke ci rê âmeyo zî, bi çewres hetê î’cazî ke zere û teberê ey de estê, nawneno ke O, tercumanê Cenabê Heqî yo. Hem O, zatê xo de, bi heme îxlasê xo û bi teqwayê xo û bi cidiyetê xo û bi emîniya xo û bi heme hal û tewiranê xo yê bînan, nawneno ke O, nameyê xo ser o, bi fikrê xo nêvano; belkî nameyê Xaliqê xo ser o qisey keno. Hem heme ehlê heqîqetî ke Ey goştarenê, bi keşf û tehqîqî tesdîq kerdo û bi ‘îlm-el yeqînî îman kerdo ke O, xo bi xo qisey nêkeno; belkî Xaliqê kaînatî, Ey dano qiseykerdiş, derse dano, bi ey derse dano dayene. Onaw sidq û heqqaniyetê Ey, îstînadî îcmayê nê çar esasanê ke xayet quwetinê keno.

Esaso Pancin: Hem O Tercumanê Kelamê Ezelî, ruhan vîneno; melayketan dir suhbet keno, cin û insî zî îrşad keno. Alemê îns û cin rê tena nê; belkî raserî alemê ruhan û alemê melayketan derse gîno. Û maweraya (peyê) nê aleman de munasebetê Ey esto û ittilayê Ey esto. Mûcîzeyê eyê sabiqî û maceraya qet-î ya heyatê Ey yê tewaturî, no heqîqet îsbat kerdo. Onaw ne sey kahînan û sey înanê ke xeybî ra xebere dayêne, ne cin, ne ruhî, ne melaîke, belkî Cibrîlî ra teber, Melayketê Muqerrebînî bi xo zî,