Esaso Diyin: Hem madem o delîlo sadiq û museddeq, madem wayîrê bi hezaran mûcîzeyanê raserî heme nebiyan o û wayîrê şerî‘etêko wina yo ke nêno nesixkerdiş û wayîrê dawetêk wina yo ke heme cin û însî gîno miyanê xo, helbet o reîsê heme nebiyan o. Eke wina yo, sirr û îttîfaqê mûcîzeyê heme nebiyan, xo de hewîneno. Onaw quwetê îcmayê heme nebiyan û şahîdiya mûcîzeyanê înan, sidq û heqqaniyetê Ey rê, benê nuqtayêka îstînadî (paştdayîşî). Hem sultan û seydayê heme ewliya û esfiyayan o ke, ê bi terbiyeyê ey û bi îrşad û nurê şerî‘etê ey kemiliyayê. Eke wina yo, sirrê kerametê înan û tesdîqê înanê îcmakarî û quwetê tehqîqanê înan, xo de hewîneno. Çunke o, rayero ke seydayê înan akerdo û ber akerde verdayo de şiyê; heqîqet diyo. Wina aseno ke temamê keramet û tehqîq û îcmayê înan, seba sidq û heqqaniyetê ey seydayê înan yê muqeddes, nuqtayêka îstînadî temîn kena. Hem o burhanê wehdaniyetî, senî ke îşaretanê corênan de asa (ame vînayene), wayîrê hende mûcîzeyanê qet’î, yeqînî û bahîran o û hende îrhasatanê eyê xarîqa û delîlê bêşik ê nubuwwetê ey estê û ê, ey zatî wina tesdîq kenê ke kaînat wardo bibo yew, nêeşkeno tesdîqê înan betal bikero.

Esaso Hîrêyin: Hem o zato mubarek ê dellalê wehdaniyetî ke wayîrê mûcîzeyanê bahîran o û mizgînwanê seadetê ebedî yo de, wina exlaqê ‘alî û wezîfeyê rîsaletê ey de wina seciyeyê samiye (exlaqê weşî) û şerîet û dînê eyo ke teblîx keno de, wina xesletê xalî estê ke duşmenê tewr şedîdî zî, ey tesdîq kenê; înkarî rê firset nêmaneno. Madem zatê ey de û wezîfeyê ey de û dînê ey de, exlaqê ey ê tewr berzî û tewr weşikî û seciyeyê ey ê tewr ulwî û tewr mukemmel û xesletê ey ê tewr biqîmet û meqbûl estê, helbet o Zat, mîsal û mumesîl û tîmsal û seydayê kemal û exlaqê ‘alî yê ke mewcûdan de yê yo. Onaw nê kemalê ke zatê ey de,