ÎŞARETO NUKTEYIN O NEWÊSIN: Îşaretanê corênan de, bi hawayêko qet’î û bêşik ame îsbatkerdiş ke Resûlê Ekrem ‘eleyhîsselatu wesselam, Resûlê Cenabê Heqî yo. Ha yo Muhemmedê ‘Erebî ‘eleyhîsselatu wesselam ke rîsaletê ey, bi hezaran delîlê qet’iyan reyde sabît o, delîlêko tewr bereqiyaye û burhanêko tewr qet’î yê wehdaniyetê Îlahî û seadetê ebedî yo. Ma do, nê îşaretî de, bi îcmalêko xulaset-ul xulasayî, o delîlo bereqiyaye rê û o burhano natiq o sadiqî rê tarîfêko qij bikî. Çunke madem o delîl o û encamê ey, marîfetê Îlahî yo, helbet ganî o delîl bêro şinasnayiş û bi hetê delîliyê Ey bêro zanayene. Eke wina yo, ma zî bi xulaseyêk xayet kilmî, hetê Eyê delîliye û sehîhiya Ey do beyan bikî. Wina ke:

Resûlê Ekrem ‘eleyhîsselatu wesselam, sey mewcûdanê nê kaînatî, senî ke zatê Ey bi xo, wicûdê wehdetê Xaliqê kaînatî rê delîlî keno, Ey bi delîliya xo ya zatî, delîliya heme mewcûdan reyde, bi ziwanê xo îlan kerdo. Madem delîl o, mo do “Pancês Esasan” de îşaretî huccet, îstîqamet, sidq û heqqaniyetê ey delîlî bikî.

Esaso Yewin: No delîlo ke hem bi zatê xo, hem bi lîsanê xo, hem delîliya halê xo, hem bi qala xo Saniê kaînatî rê delîlî keno, hem hetê heqîqetê kaînatî ra museddeq o, hem sadiq o. Çunke delîliyê heme mewcûdanê ke wehdaniyetî rê delîliye kenê, helbet hukmê tesdîqkerdişê zato ke wehdaniyetî vano de yê. Onaw dawaya ke o vano zî, hetê kaînatê pêroyî ra museddeq a. Hem wehdaniyetê Îlahî ke kemalê mutleq o û seadetê ebedî yo ke xêro mutleq o û o, ey beyan keno, seba ke miwafiq û mutabiqê husn û kemalê temamê heqîqetanê alemî yo, helbet o, dawaya xo de sadiq o.