Kitaplar
Mûcîzeyê Ehmediye

ka dizdê wehm û şikan, kamcîn qirneyî ra, kamcîn hetî ra eşkenê dekewî Quranê Mucîz-ul Beyanî!..

Belê, Qurano Mucîz-ul Beyan, sirrê îcmayê (heme) kitabanê nebî, welî û muwehhîdînê ke qern/’esr, meşreb û meslekê înan muxtelîf ê, camî yo (xo de hewîneno). Yanî heme ê ehlê qelb û aqilî, bi hawayêk ke hukmê mucmel û esasanê Quranê Hekîmî tesdîq bikî, înan kitabanê xo de ca dayo ey esasî û qebûl kerdo. Yeno fehmkerdiş ke ê, hukmê kokanê şecereya semawî ya Quranî de yê.

Hem Qurano Hekîm, îsnadê wehyî keno û wehî yo. Çunke Zato Zulcelo ke Quranî nazil keno, pê Mûcîzeyanê Ehmediye (‘e.s.w.)î nawneno ke Quran wehî yo; îsbat keno. Û Qurano ke nazil biyo, bi xo zî, pê î’cazanê ke ey ser o de yî nawneno ke erşî ra yeno. Û telaşeyê wextê destpêkê wehyî yê Resûlê Ekrem ‘eleyhîsselatu wesselamî û weziyetê eyo ke xo ra şibi, wextê nuzûlê wehyî û îxlas û hurmetê eyo ke her kesî ra zafêr dayêne Quranî, nawneno ke wehî yo û ezelî ra yeno; ci rê beno meyman.

Hem o Quran, eyan beyan hîdayet bi xo yo; çunke muxalifê ey, bîlmuşahede dalaletê kufrî yo. Hem bizarurî Quran madenê nuranê îmanî yo. Helbet eksê nuranê îmanî, zulûmat o. Ma zaf Vateyan de no bi hawayêk qet’î îsbat kerdo.

Hem Quran, bêşik mecmayê (cayê pêserbiyayîşî) heqîqetan o. Heyal û texrîfî nêeşkenî bikewî miyanî ey. Bi şahîdiya alemê Îslamiyetê heqîqetinî ke teşkîl kerdo, şerî‘eto esasin ke îzhar kerdo û kemalê alî yo ke nawnayo, behsê ke ayîdê alema xeybî de yî zî, sey behsê ke ayîdê alema şahîdiye îsbat keno ke eynî heqîqet ê û tede xilaf çin o.

Hem Quran, bi hawayêko bi eşkera û bê şik, resneno seadetê her di dinyayan; beşerî sewqî ey keno. Şikê kamî esto, wa reyêk Quranî biwano û bigoştaro, ha vano se? 

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237
Fihrist
Lügat