Mezhebo diyin o mercuh, o yo ke: Yew sûreya Quranî rê muareze kerdiş, daxîlê qudretê beşerî de yo. Labelê Cenabê Heqî, sey Mûcîzeyê Ehmediye (‘e.s.w.)î o asteng (meni’) kerdo. Senî gama ke merdimêk bieşkiyo wardo lingan ser; labelê sey eserê Mûcîzeyî, nebiyêk vajo ke “Ti do nêwardî!” û o zî nêeşko wardo, beno mûcîze. Nê mezhebê mercuh rê “Mezhebo Serf” yeno vatiş. Yanî Cenabê Heqî, cin û insî meni’ kerdê ta ke bi sûreyêka Quranî rê nêeşkê muqabele bikî. Eke meni’ nêkerdêne, cin û insan do bi sûreyêka ey rê muqabele bikerdêne. Ha yo gorebî nê mezhebî, vateyê alimê ke vanî “Bi yew kelîmeya ey rê zî muareze nêbeno.” heqîqet o. Çunke madem Cenabê Heqî, seba îcazî ê meni’ kerdê, seba muarezeyî nêeşkenê fekê xo akê. Eke fekê xo akê zî, gama ke îznê Îlahî nêbo, nêeşkenê kelîmeyî vecî.
La gorebê mezhebê ewil ke mezhebê racih û ekser o zî, hetêko tenik yê o fikro ke aliman o beyan kerdo esto ke des cayan ra ewnêno; tede des nukteyê belîxiye û des munasebetî estê ke:
Senî ke ma, tefsîro ke nameyê ey Îşarat-ul Îcaz o de û miyanî tay cumleyanê fatîha de û miyanî cumleyanê 1¿Çßá @ Ã’ÇıÅÛ ¿˜ÇÄıLÛAƒÙ º’ ÕÛï˜GÛ v’ñçı
de nê nukteyan ra tay nimûneyî nawnayê. Seba nimûneyî: Senî ke serayêka neqişnaye de, yew kerraya ke hukmê gireyê neqşê muteadîd û muxtelîf de ya, yew cayo wina ke heme neqşan ra biewniyo de ca bide dayene; xasê yewê wina yo ke ey dêsî heme bi neqşanê ey dir zano. Hem senî ke lîlikê çimî ke sereyê merdimî de yo cayê ey de cabidedayiş, bi o zanayişo ke bi heme munasebetanê cesed û bi wezîfeyanê eyê ecêb û bi