Kitaplar
Mûcîzeyê Ehmediye

wa sûreyêka kilme ba, ci rê nezîre biyarî. Nêkela dîn, can, mal, ‘eyelê şima, dinya de zî axret de zî do bikewî talûke.

Ha yo, heşt tebeqeyan de, bi hawayê îlzamî, Qurano Hekîm, vîst û hîrê serran de ney; belkî hezar û hîrê sey serran de duştê heme îns û cinan no meydan wendo û waneno. Hal no yo ke, zemanê verî de, ê kafiran can, mal û ‘eyelê xo eştê talûkeyî; rayero tewr bidehşetin ke rayerî herbî yo, tercîh kerdo, rayerê muarezeyî ke rayero tewr asan û kilm o terk kerdo. Fehm beno ke rayerê muarezeyî mumkun nêbi. 

Ha yo, tu yew aqil, xusûsen o wextî de merdimî ke Cezîret-ul Erebî de biyê, xusûsen merdimê biaqilî yê sey Qureyşiyan, tek yew edîbêk înan, ka rayero tewr kilm û asan ra, ke tena yew sûreyêka Quranî rê nazîre biyaro û ke pê hêrîşê Quranî ra xelas bibo, fek veradano û can, mal û ‘eyelanê xo erzeno talûke û sulûkî ey rayerê tewr bimuşkîlî keno gelo?

Welhasil, sey Cahizê Namdarî ke vano: “Muarezeyo bilhurûf mumkun nêbi; mecbûrê muherebeyê bissiyufî biyê.”

Eke bêro vatiş: Tay alimanê muheqqîqan vato ke: “Bi yew sûreyêka Quranî rê ney, tek yew ayetêka ey rê, hetta bi tek yew cumleyêka ey rê, hetta bi tek yew kelîmeyêk ey rê muareze nêno kerdene û nêameyo kerdene.” Nê qalî, sey mubalexeyî asenî û aqil qebûl nêkeno. Çunke vatişanê beşerî de zaf cumleyî estê ke, manenî cumleyanê Quranî. Sirrê hîkmetê nê vatişî çi yo?

Cewabê ey: Î’cazê Quranî de di mezhebî estê. Mezhebo ekser û racih o yo ke, letîfeyê belîxiye û meziyetê manayan ke Quranî de estî, raserî qudretê beşerî yê.

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237
Fihrist
Lügat