Cewabê ey: Eke muareze mumkun bibiyêne, bê şik do teşebbus biameyêne kerdiş. Çunke îhtiyacê muarezeyî, şedîd bi. Zîra dîn, mal, can û ‘eyelê înan kewtêne talûke. Eke muareze biameyêne kerdene xelesiyayêne. Eke muareze mumkun bibiyêne, bê şik do muareze bikerdêne. Eke muareze biameyêne kerdene, seba ke kafir û munafiqê ke terefdarê muarezeyî biy zaf biyê, hem gelek zaf biyê, bê şik do bibiyêne terefdarê muarezeyî û înan do o îltîzam bikerdêne û her kesî rê neşir bikerdêne. – Senî ke heme çî vera Îslamî neşir kerdo. – Eke neşir bikerdêne û muareze bibiyêne, bê şik do bi hawayêko bi şaşaayî bidekewtêne tarîxan û kitaban. Ha yo heme tarîx û kitabî, meydan de yê; yew hebî de, çend fiqreyê Museylîmeyê Kezzabî ra teber, çiyêko bîn çin o. Hal no yo ke, Quranê Hekîmî, vîst û hîrê serrî mutemadiyen,  bi hawayêko pay bi demaran kerdiş û rika înan tehrîk kerdiş reyde, meydan wend û vatêne ke: “Ummiyêk sey Muhemmed-ul Emînî ra, nazirê nê Quranî virazî û binawnî. Haydê şima nêeşkenî inê bikerî, o zat wa ummî nêbo, wa xayet alim û katib bo. Haydê (baş o) şima nêeşkenê inê zî bikî, wa zatêk tena nêbo, wa heme alimê şima, belîxê şima bêrî pêser, wa yewbînan rê hetkarî/ardim bikî... Hetta Îlaheyê şima yê ke şima bi înan bawer ê, wa şima rê hetkariye bikî. Haydê şima do bi ney zî nêeşkî bikî, eseranê belîx ê ke verî ra ameyê nuştiş ra zî îstîfade bikî û hetta êyê ke do bêrî zî vengda hetkariyê bikî û nazirê Quranî binawnê, bivirazî. Haydê şima nêeşkenê inê zî bikî, wa temamê Quranî rê nêbo zî, tena nazirê des sûreyanê ey biyarî. Haydê şima nêeşkenê duştê des sûreyanê ey nezîreyêka heqîqî, bi hawayêko heqîqî û raşt biyarî, haydê wa estanikan ra, qiseyanê bêeslan ra terkîb bikî. Tena wa nezm û belîxiya ey rê nazîre bo, biyarî. Haydê şima nêeşkenê inê zî bikî, nazîreyê tek yew sûreyêke biyarî. Haydê wa sûre derg nêbo,