Kitaplar
Mûcîzeyê Ehmediye

heft ya heşt ya new ya yewendes reyî tekrar biyayîş reyde, di riyê yew pelî de û di rîpelê ke yenê vera yewbînî, yew munasebetê edediye yo weş û manîdarî nawneno. (Haşiye 1,2,3,4)

                                             

(Haşiye) 1: Hem vera ehlê zikir û munacatî, estbiyayîşê lefzanê zînetin û qafiyeyinan û uslubo fesahetin û hunerin yê Qur-anî û meziyetê eyê belîxiyê ke şênî nazaran biancê xo ser o reyde, cidiyeto berz û huzûro Îlahî û fikrê cematî danê, îhlal nêkenê. Hal no yo ke, o bêj meziyetê fesîhiye û hunerê lefzî û nezm û qafiye, cidiyiye kêm kenê, zarîfiye îşmam kenê, huzurî xerapnenê, nazarî raşonenê. Hetta mi munacatêka navdare ya Îmamê Şafî’î ke letîfêr, ciddiyêrî munacatan bî û tewr zêde ulwî nezmin bî û bîbî sebeb ke qeht û xela Misirî ser ra wedariyo, mi zaf reyan wendêne, mi dî seba ke nezmin û qafiyeyin bî, ciddiyeto ulwî yê munacatî îhlal kena. No heşt-new serrî wîrda min a. Ez nêeşkaya ke ciddiyetê aye yê heqîqî, qafiye û nezmo ke aye dir o pêrabesta. Aye ra mi fehm kerd ke qafiyeyê Qur-anî ke xas, fitrî û mumtaz ê de û nezm û meziyetê eyê de bineyke îcazê ey esto ke cidiyeto heqîqî û huzûro tam muhefeze keno, îhlal nêkeno. Ha yo, ehlê munacat û zikrî, eke bi aqilê xo fehm nêkerî zî, bi qelbê xo pê hesyenê.Haşiye 2: Sirêko me’newî yê îcazê Quranê Mûcîz-ul Beyanî no yo ke Quran, dereceyo zaf pîl û zaf bereqiyaye yê îmanê Resûlê Ekrem ‘eleyhîsselatu wesselamî ke mezherê Îsmê E’ezem o, îfade keno. Hem sey yew nexşeya/xarîtaya muqeddese, mertebeyo ulwî yê dînê heqî ke xayet gird, hîra û ‘alî yo û heqîqetanê berz yê alemê axret û alemê Rubûbiyetî beyan keno, bi hawayêko fitrî îfade keno, derse dano. Hem Xaliqê kaînatî ke Rebê heme mewcûdan o het de, xîtabê ey o ke bê hed ?ezemetin û heşmetin o, îfade keno. Helbet duştê îfadeyê Furqanî û beyanê Quranî yo no hawa, bi sirrê: * [(Ey Muhemmed) Bivaje ke “Eke heme merdim û cinî, seba viraştişê yew nimûneyê nê Quranî bêrî pêser û hetkariyê yewbînî bibî zî, hona do nêeşkî yew nimûneyê ey biyarî meydanî.” (Îsra: 88)]Heme aqilê beşerî îttîhad bikî, bibê tek yew aqil zî, nêeşkenî vejiyê duştê ey, nêeşkenê muareze bikî.“Eynes-sera mînes- sureyya (Erd kura yo, estareyê Sureyya kura yo?)” Çunke nezerê nê hîrê nuqteyanê asasî de, çi rey qabilê teqlîdî niyê û nînê tenzîrkerdiş!Haşiye 3: Ayetî, peyniya heme rîpelanê Quranê Hekîmî de temam benê. Peyniya ey pê qafiyeyêko weş, qediyeno. Sirrê inê no yo ke; seba ke ayeta Mudayene ya ke tewr gird a qandê rîpelan û sûreyê Îxlas û Kewserî seba rêzan, sey yew wahîdê qiyasiyî yeno girewtiş, no meziyeto weşik yê Quranê Hekîmî û nîşanê îcazî aseno.Haşiye 4: No kismê nê meqamî de, pê belayê lezgîniye, bi weziyetanê zaf tayn û cuz’iyan û nimûneyanê kilm û nîşaneyanê/emareyanê qijkekan no kerameto ke xayet ehemmiyetin û heşmetin o û pîl o û ke hetê muweffeqiyetê Rîsaleyê Nûrî ra xayet zînetin, şîrîn û teşwîqkerdox o, ameyo îktîfakerdiş. Hal no yo ke, o heqîqeto pîl û o kerameto şîrîn zî, bi nameyê “tewafuq”î, bi panc-şeş çeşîdanê xo, sîlsîleyêk kerametanê Rîsaleyê Nûrî û tay lem’eyanê îcazê Quranî ke hetê çiman ra yenê vînayene û çimeyêk îşaretê remzanê xeybî teşkîl keno. Dima ra yew Qurano ke bi awzêre/yaldiz ke yew lem’aya îcaze ke Quranî de tewafuqanê “Lefzullah”î ra vejiyaya nawneno, ame nuştiş. Hem heşt rîsaleyê qijekî bi nameyê Rumûzatê Semanî, beyanê munasebetê letîfe û îşaretê xeybî ke tewafuqanê herfanê Quranî vejiyayî, ameyî telîfkerdiş. Hem Kerametê Xewsî û hîrê Kerametê Elewî û panc heb rîsaleyê bi nameyê Îşaretê Quranî ke nê, Rîsaleyê Nûrî bi sirrê tewafuqî tesdîq û teqdîr û tehsîn kenê, ameyê nuştiş. Onaw telîfê Mûcîzatê Ehmediye de, o heqîqeto pîl, bi îcmalî ameyo hîskerdiş; labelê mixabin muellîfî, tena yew nenguyê ey diyo û nawnayo; êdî xo ra pey nêewniyayo û vazdayo şiyo.

 

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237
Fihrist
Lügat