Vate û Hîris û Hîrê Mektub û Hîris û Yew Lem’e û Hîris û Hîrê Şû’ayê ke ma ê nuştê kenê.
Hem mûcîzeyêko kubra yê Resûlê Ekrem ‘eleyhîsselatu wesselamî ke mutewatir o û qet’î yo, “Şeqqa Qemere” a. Belê no şeqiyayîşê aşme, bi gelek rayan, bi hawayêko mutewatirî, zaf pîlanê sehabiyan ra sey Îbnê Mes’ûd, Îbnê ‘Ebbas, Îbnê ‘Umer, Îmamo ‘Elî, Enes, Xuzeyfe, bi zaf terîqan xebere dayîş reyde, bi nessa Quranî, ayeta 1¿ı|˜LÛ\ÛEÛMı ¿Ç_ˆÛApÛéÙ ‡Û¿˜àbÛ~ˆÛ ¿˜Ç}ÛÜÛ\Ù
o mûcîzeyo tewr pîl, îlanê alemî kerdo. Muşrîkê Qureyşê rikinî yê ey wextî, duştê xebera ke na ayete daya, bi înkarî muqabele nêkerdo. Belkî tena vato: “Sêhr o.”2 Onaw (eke wina yo) şeqiyayîşê aşme, hetê kafiran ra zî, qet’î yo. Nê mûcîzeyê tewr pîlî, ma hewaleyê “Rîsaleyê Şeqqa Qemere” ke zeylê Vateyê Hîris û Yewin o ke ma derheqê şeqiyayîşê aşme de nuştbi kenê.
Hem Resûlê Ekrem ‘eleyhîsselatu wesselam, senî ke mûcîzeyê xo yo şeqiyayîşê aşme nawnayo ehlê erdî, wina zî mûcîzeyê xo yo ekber ê Mîracî, nawnayo ehaliyê semawatî. Ha yo ma nê mûcîzeyê eyê ekberî ke tira Mîrac vajiyeno, hewaleyê “Rîsaleyê Mîracî”, ke Vateyo Hîris û Yew o, kenê. Çunke ey rîsaleyî, hetta duştê mulhîdan zî, bi delîlanê qet’iyan îsbat kerdo ke o mûcîzeyo tewr pîl, çi hende nuranî û alî û raşt o. Ma do tena, behsê seyahetê eyê Beyt-ul Muqeddes ke destpêkê mûcîzeyê Mîracî yo û behsê yew mûcîzeyo ke serê sibayê gama qewmê Qureyş, Ey ra, tarîfê Beyt-ul Muqeddes wazeno hasil biyo, bikerî. Wina ke:
