û her yew tira, hawayêk tewatura me’newî de û her yew bejê ra zaf ferdê eyê mukerrerî estê. Qismo diyin; ê hedîseyê ke Ey bi xo xeber dayî ke do îstîqbalî de biqewimî, ke Ey bi te’lîmê Cenabê Heqî xeber dayî, raşt vejiyayî. Ha yo, ma zî do nê qismê pêyenî ra dest pêbikî û fîhrîsteyêk îcmalî nîşan bidê/binawnê. ^(Haşîye)

   ÎŞARETO NUKTEYIN O ÇARIN: ‘Umûrê xeybiyeyê ke Resûlê Ekrem ‘eleyhîsselatu wesselamî, bi te’lîmê ‘Ellamûlxuyûb xebere dayî, nînê hed û hesabî. Semedo ke ma Vateyo Vîst û Pancin de, ke îcazê Quranî ser o yo, îşaretî new’ê ey kerdo û binêk îzah û îspat kerdo, ma do ê xeberanê xeybiyeyî ke derheqê nebiyanê verênan û heqîqetanê Îlahiye û heqîqetanê kewniye/kozmolojî û derheqê heqîqetanê axretî de yî, hewaleyî Vateyê Vîst û Pancinî bikî û nika behs [ê înan] nêkî. Tena ma do îşaretî çend mîsalanê cuz’iyan ke qismê ê xeberê sadiqê xeybiyê ke gelek zêdî ra û derheqê ê hedîseyê ke Ey ra pey ameyî sereyê Sahabî û Ehlê Beytî sero û hedîseyê ke ummetê Ey do aver de mezherê înan bibo bikî. Seba ke no heqîqet bi temamî bêro famkerdene, ma do “Şeş Esasan” sey muqedîmeyî beyan bikî.

   Esaso Yewin: Herçiqas her hal û tawrê Resûlê Ekrem ‘eleyhîsselatu wesselamî, eşkeno sidq û nubuwwetê Ey rê bibo şahîd, labelê lazim niyo ke her hal û her tawrê Ey xarîqûlade bo.