Axirî, hewce nêkeno ke nê new’î de derg û dila bêro vatiş; nimûneyê ey zaf ê.
Hem ma vanî ke:
Bi nurê Resûlê Ekrem ‘eleyhîsselatu wesselamî û bi terbiyeyê ey û ey dima şiyayîş reyde, bi hezaran qutbê sey Şêxê Geylanî û esfiya û melayket û cinan yewbînan diyo û bi înan dir qisey kenê û no hedîse, dereceyê se tewaturî de yo û zaf kesret/bolî de yo. Eya, temas û qiseykerdişê ummetê Muhemmed ‘eleyhisselatu wesselamî ke melayket û cinan reyde viraziyayo zî, eserêk terbiye û îrşadê î’cazkarî yê Resûlê Ekrem ‘eleyhîsselatu wesselamî yo.
Şûbeyo Hîrêyin: Hifz û îsmetê Resûlê Ekrem ‘eleyhîsselatu wesselamî, mûcîzeyêko eyan beyan o. Heqîqeto eşkera yê ayeta kerîma 1‡Û¿$Ù ïÛq˜eıÜÙÅÛ ÖıäÛ ¿ÇâˆÛAœı
zaf mûcîzeyan nawneno. Belê, wexto ke Resûlê Ekrem ‘eleyhîsselatu wesselam vejiya, tena taîfeyêk rê, qewmêk rê, qismêk ehlê siyaset rê yan yew dîn rê ney, belkî duştê heme padîşahan û ehlê dîn rê, tena bi serê xo meydan wend. Hal no yo ke, datê ey dişmeno tewr pîl û neyarbiyayîşê qewm û qebîleyê ey reyde, vîst û hîrê serrî hawayêk bênobedarî, bêzehmet, bêmuhafiz û zaf reyî raştê sû-î qesd ameyîş reyde, bi kemalê seadetî, heta ke cila xoya rehet ser o de wefat kerd û vejiya Meleyê ‘Alayî, hifz û îsmetê ey, ‡Û¿$Ù ïÛq˜eıÜÙÅÛ ÖıäÛ ¿ÇâˆÛAœı
sey tîje nawneno ke heqîqetêko çihende quwetin îfade keno û nuqtayêka ey a îstînadî ya çihende metîne esta.
