gama ke teşrîf kerd ame ‘aleme û new’ê beşerî ke şarê kureyê erdî yê rê sey meb’us ame û hetê xaliqê temamê kaînatî ra, ê nurê haqîqatî û xelatê me’newiyî ke vera heme heqîqetanê kaînatî dir eleqedar î xo dir ardî, kerra, awe, dare, heywan, merdiman ra bigîre heta aşme, roj û estareyan her taîfe, bi ziwanê xo yê xusûsî û destanê xo de mûcîzeyêk ey kirişnayîş reyde, nubuwwetê Ey rê çepikî kutî û vato ti xêr ameyî.
Nika, semedo ke behsê ê heme mûcîzeyan bêro kerdene, ganî bi cildan kitabî bêrî nuştene. Muheqîqînê Esfiya, tafsîlê delîlanê nubuwwetî ser o, zaf cîldî nuştî. Ma tena çend îşaretanê kilmekan reyra behsê heme bêjanê ê mûcîzeyan ra êyê ke hawayêk qet’î û me’newî ameyê rîwayet kerdene, kenî.
Ha yo, delîlê nubuwwetê Ehmediyeyî (‘e.s.w.) verê verkan di qism î:
Yew tira: Ê halê xarîquladeyê ke verî nubuwwetî û wextê biyayişê Ey de veciyayê ke tira “îrhasat” vajîno.
Qismo diyin: Delîlê bînî yê nubuwwetî yê. Qismo diyin zî di qismî yo. Yew tira; ê Mûcîzeyê ke pêxemberiya ey ra pey, la semedê tesdîqê nubuwwetê Ey zuhur biyî. Ê diyin; ê xarîqayî ke ‘Esrê Seadetî xo de mezherê înan biyo yî. No qismo diyin zî di qismî yo. Yew tira, ê delîlê nubuwwetê ke zat, sîret, sûret, exlaq û kamalê ey de zahîr biyê yê. Ê diyin: Ê mûcîzeyê ke çiyê afaqî, xarîcî de mezher biyo yî. No qismo diyin zî di qismi yo. Yew tira; me’newî û Quranî yo. O bîn, maddî û ekwanî yo. No qismo diyin zî di qismî yo. Yew tira; ê mûcîzeyê harîqûladeyî ke wextê dawaya nubuwwetî de, seba ke rika ehlê kufrî bişiknî yan zî seba ke quwetê îmanê ehlê îmanî bizêdnî, ameyî zuhûr. Vîst bejê ey; sey şeqqa qemere û engiştanê ey ra herekiyayîşê awe û werdo taynek ra mirdbiyayîşê zaf kesan û qiseykerdişê heywan û daran û kemeran,