Yew Tira: Ma Vateyo Vîst û Newinî de, bi qet‘iyetêko dereceyê di rey di kenê çar de, îsbat kerdo ke taîfeyê cin û melayketan, sey taîfeyanê heywan û merdiman, bi hawayêko qet’î estê û bi ma dir munasebetdar ê. Ma îsbatê înan, hewaleyê ey vateyî kenê.
Heto Diyin: Êyê ke bi şerefê Resûlê Ekrem ‘eleyhîsselatu wesselamî, sey eserê mûcîzeyê ey, diyiş û înan (melayketan) dir qiseykerdişê ferdanê ummetê ey o. Ha yo sere de Buxarî û Îmamê Muslîm, îmamê hedîsî piya xebere danê ke “Reyêk melayket yanî Hezretê Cebraîl, sûretê merdimêko cilsipî de ameyo. Gama ke Resûlê Ekrem ‘eleyhîsselatu wesselam, miyanê sehabiyanê xo de ronişte biyo, şiyo het, vato:
1 ÖÛA¿ ˜ºı^˜ë’ İÙ ‡ÛÖÛA¿ ˜º’ïÜÛAıÙ ‡ÛÖÛA ¿˜ºıT˜_ÛAıÙ
Yanî: “Îman, Îslam û îhsan çi yo? Tarîf bike.” Resûlê Ekrem ‘eleyhîsselatu wesselamî tarîf kerdo. O cematê sehabiyan, hem ders girewto hem zî înan o zat hewl diyo. O zat, ke sey meymanan bi, la ey ser o qet nîşanê/elametê seferî çin bi. Warişt, nişka ra vîndî bi. O wext Resûlê Ekrem ‘eleyhîsselatu wesselamî ferman kerd ke “Seba ke ders bido şima, Cebraîlî wina kerd.”2
Hem bi xebera sehîhe û xebera qet’î û dereceyê mutewatirî de, îmamê hedîsî xebere danê ke Sehabiyan, Hezretî Cebraîl zaf rey sûretê Dihyeyo ke wayîrê husn û cemalê biyo de, hetê Resûlê Ekrem ‘eleyhîsselatu wesselamî de diyo.1
