Kitaplar
Mûcîzeyê Ehmediye

Şûbeyo Diyin: Şinasnayîşê meyîtan, cinan û melayketan, yê Resûlê Ekrem ‘eleyhîsselatu wesselamî yo. Zaf hedîseyê ney zî estî. Semedê nimûneyî ma do, yew çend nimûneyanê namdaran ke îmamanê mewsûqan (wesîqayinan, saxleman) ey xebere dayî binawnê, sere de ma do meyîtan ra nîşan bidî. Herçî cin û melayketî zî, ê mutewatir ê. Nimûneyê înan yew niyo; hezar ê. Ha yo nimûneyanê qiseykerdişê merdeyan ra:

Yê yewin no yo ke: Hesenê Besrî ke wextê Tabîiyan de reîso tewr pîl yê alimanê zahîr û batinî yo û şakirdêko muhîm û sadiq yê Îmamê ‘Elî yo, xebere dano ke “Yew merdim ame hetê Resûlê Ekrem ‘eleyhîsselatu wesselamî, berma û nala, va: Yew kêneka min a qijeke estbî, no dereyo nêzdî de merde, mi aye eşte wêra.” Resûlê Ekrem ‘eleyhîsselatu wesselam pê deja (guneyê ey bide ama). Tira va: “Bê ma şîrê wêra.” Şiyê. Resûlê Ekrem ‘eleyhîsselatu wesselamî vengda aye kêneka merda da, va: “Ya filane!” Nişka ra a kêneka merda va:

1 ÇÛFˆÛñ˜˜ÅÛ ‡Û ^Ûq˜ZÛï˜ÅÛ

 Resûlê Ekrem ‘Eleyhîsselatu Wesselamî ferman kerd: “Ti wazena tepa bêra hetê pî û maya xo?” Aye va: “Ney, mi înan ra hîna xeyrinî diyî.”2

Yê Diyin: Tay îmamê muhîm yê sey Îmamê Beyheqî û Îmamê Îbnê ‘Ediyî, Hezretî Enes Îbnê Malîk ra xebere danî ke Enesî vato, tek yew lajê yew cinîka pîre estbi, nişka ra wefat kerd. A ciniya salîha, zaf xemgîne biye û va: “Ya Reb! Mi seba rizayê to û bî’et û xizmetê Resûlê Ekrem ‘eleyhîsselatu wesselamî koç kerde û ez ameya tiya. 

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237
Fihrist
Lügat