Ha yo, mûcîzeyê eşkera yê Resûlê Ekrem ‘eleyhîsselatu wesselamî, her yew bêj de, bi hawayêko qet’î mewcûd ê. Qismê înan zî, ya sûretê ey mûcîzeyê kullî û mutleq ê yan zî nimûneyê ey ê.

Senî ke “dest, engişte, alî, nefes/helm, vate yanî duaya” Resûlê Ekrem ‘eleyhîsselatu wesselamî, bena destpêkê zaf mûcîzeyan, eynî wina zî latîfeyê bîn yê Resûlê Ekrem ‘eleyhîsselatu wesselamî û hîsê ey, cîhazê ey, medarê zaf xarîqayan ê. Kitabê siyer û tarîxî, ê xarîqayî beyan kerdê, nawnayê ke sîret û sûret û hîsê ey de, gelek delîlê nubuwwetî estê.

ÎŞARETO PANCÊSIN: Senî ke kerra, dare, aşme, roj, ey şinasnenê, her yew tira mûcîzeyêk ey nawnayîş reyde nubuwwetê ey tesdîq kenê. Wina zî taîfeyê heywanan, taîfeyê merdeyan, taîfeyê cinan, taîfeyê melekan, ey zatê mubarekî şinasnenê û nubuwwetê ey tesdîq kenê ke ê her yew taîfe, bi nawnayîşê tay mûcîzeyanê ey, nîşan danê û tesdîqê nubuwwetê ey îlan kenê. Hîrê şû’beyê nê Îşaretê Pancêsinî estê:

Şûbeyê Eyo Yewin: Cinsê heywanan, Resûlê Ekrem ‘eleyhîsselatu wesselamî, şinasnenê û mûcîzeyanê ey zî îzhar kenê/nawnenê. Zaf nimûneyê nê şû’beyî estê. Tiya de, tena çend qismê hedîseyanê namdar û ê ke dereceyê tewaturê me’newî de biyê qet’î yan zî biyê meqbûlê muheqîqanê îmaman yan zî ê ke ummetî ê qebul kerdê, ma do sey nimûneyî zikir bikî.

Hedîseyo Yewin: Bi şohretêk ke dereceyê tewaturê me’newî de yo, gama ke Resûlê Ekrem ‘eleyhîsselatu wesselam,