Her çend muheqîqê aliman, vato ke delîlê nubuwwet û mûcîzeyanê Ey, henda hezarî yê; labelê hezaran, belkî des hezaran delîlê nubuwwetî estê. Û se hezaran rayîran reyde, se hezaran merdimî ke wayirê fikranê ciya-ciyayan ê, pêxemberiya ey zatî tesdîq kerdo. Tena Quranê Kerîmî de çewres wechê îcazî ra teber, hezar delîlanê pêxemberiya Ehmediye (‘e.s.w.)î nawnenê.

   Hem madem miyanê new’ê beşerî de nubuwwet esto û se hezaran zatî ke dewaya nubuwwetî kerda û mûcîzeyî nawnayî, ameyî û viyartî şiyî. ⁷  Helbet hemiyan ser o bi qet‘iyetêk, nubuwwetê Ehmediye (‘e.s.w.) sabît o. Çunke, ê delîl, wesif û weziyetî ke heme resûlan ra, sey Îsa ‘eleyhîsselam û Mûsa ‘eleyhîsselamî, nebî dayo vatene û rîsaletê înan rê biyê medar û duştê ummetê xo muameleyê înan, hawayêko kamilêr û hîna camî’ Resûlê Ekrem ‘eleyhîsselatu wesselamî de mewcûd î. Madem îllet û sebebê hukmê nubuwwetî, zatê Ehmediye (‘e.s.w.) de hîna mukemmel mewcud î helbet hukmê nubuwwetî, qet’iyetêko zaf aşîkar, heme nebiyan ra hîna zaf Ey rê sabît o.

   ÎŞARETO NUKTEYIN O HÎRÊYIN: Mûcîzeyê Resulê Ekrem ‘eleyhîsselatu wesselamî, zaf bêj/çeşîd î. Semedo ke rîsaletê Ey umûmî/pêroyî yo, hema zafêr new’ê kaînatî ra mezherê yew mûcîzeyî yo. Qaşo senî ke yawerêk ekrem ê padîşahêk zîşanî, bi xelatanê bêj bi bêjan reyde gama ke bêro şaristanêk, ke cayê kombiyayîşê milletanê bêj bi bêjan o, her taîfe, semedê xêrameyişê ey, temsîlkarêk erşaweno, bi ziwanê taîfeyê xo ci rê “Xoş amedî” keno, ci rê çepikan dano piro. Wina zî Resûlê Ekrem ‘eleyhîsselatu wesselam ke yawero tewr pîl yê sûltanê ezel û ebedî yo,