Nimûneyo Newin: Pê destê xoyê mubarekî, sere û riyê tay zatan mesihkerdiş û duakerdişê Resûlê Ekrem ‘eleyhîsselatu wesselamî ra pey, xarîqayê ke zahir biyê, zaf cuz’iyanê înan ra çend hebê ke namûveng dayo, ma sey nimûneyî beyan kenî:
Yê yewin: Destê xo sereyê ‘Umer Îbnê Se’dî ra sawito û dua kerda. Wexto ke o zat heştayserriya xo de wefat keno, bi bereketê a dua, sereyê ey de (muyêka) sipî çin bî (ya).1
Yê diyin: Destê xo nayo sereyê Qeys Îbnê Zeydî ser, mesh kerdo û dua kerda. Bi bereketê aye dua, wexto dekewto se serriya xo, bi tesîrê meshî, sereyê ey heme sipî; tena cayo ke Resûlê Ekrem ‘eleyhîsselatu wesselamî, destê xo nabi ser, siya mendo.2
Yê hîrêyin: ‘Ebdurrehman Îbnê Zeyd Îbn-il Xettab, hem kilmek hem bexûd/qefçil biyo (weşik nêbiyo). Resûlê Ekrem ‘eleyhîsselatu wesselamî, pê destê xo, sereyê ey mesih kerdo û dua kerda. Bi bereketê aye dua, hetê bejne ra bejna derg û hetê reng û rî ra dekewto sûretêko tewr weşikî.3
Yê çarin: Xezweyê Huneynî de, riyê Aîz Îbnê ‘Emrî birîndar biyo. Resûlê Ekrem ‘eleyhîsselatu wesselamî, pê destê xo, goniya ser riyê ey esterita. Cayo ke Resûlê Ekrem ‘eleyhîsselatu wesselamî, pê destê xo temas kerdo, yew nuro beriqiyaye dayo ke muheddîsan, bi úÛtÙ\ˆÛşı ¿˜ÇwÛ\Ûœı
î tabîr kerdo. Yanî “sey belekiya miyanê çareyê estora beleke, cayo ke temas kerdo wina beriqiyayêne.4
