ey awe biya şîrine û boyêka weş tira ameya estê. Ma di-hîrê heban sey nimûneyî beyan kenî:
Yê yewin: Sere de Îmamê Beyhaqî, ehlê hedîsî xebere danê ke awa bîrê, ke tira “Bîrê Kuba” vatên, ge-ge biyêne ziwa. Yanî peysayêne. Awa destmajê xo dekerdiş û dua kerdişê Resûlê Ekrem ‘eleyhîsselatu wesselamî ra pey bi hawayêko zafiye dewam kerd; êdî qet nêpeysay.1
Yê diyin: Sere de Ebû Nûaym, delîlanê Nubuwwetî de, ehlê hedîsî xebere danî ke Resûlê Ekrem ‘eleyhîsselatu wesselamî, aliya xo dekerda bîro ke keyeyê Enesî de bi û dua kerda, Medîneya Munewwere de awa tewr şîrine, biya aye awe.2
Yê Hîrêyin: Îbnî Mace xebere dano ke înan awa zemzemî ra Resûlê Ekrem ‘eleyhîsselatu wesselamî rê yew helke awe ard. Biney kerd fekê xo, dekerd helkeyî. Helkeyî sey miskî boye daye.3
Yê çarin: Îmamê Ehmed Îbnê Henbel xebere dano ke înan yew bîr ra, helkeyêk awe vete. Resûlê Ekrem ‘eleyhîsselatu wesselamî, awa fekê xo veradaye zereyê ey helkeyî û vengê bîrî kerd. Dima dest pêkerd boyêka sey boya miskî daye.4
Yê pancin: Hemmad Îbnê Seleme ke Rîcalullahan ra yo û mûtemed û meqbûlê Îmamê Muslîm û alimanê mexrîbî ra yo, xebere dano ke Resûlê Ekrem ‘eleyhîsselatu wesselamî,