Nimûneyo Çarin: Ma do çend hedîseyê ke raştê zewta Resûlê Ekrem ‘eleyhîsselatu wesselamî ameyî, beyan bikerî:
Yê Yewin: Padîşahê Fars, ke tira “Perwîz” vajiyeno, mektubê Nebewî dirnayo. Resûlê Ekrem ‘eleyhîsselatu wesselamî rê xebere ameye. Wina dua kerde: ¿ÛÇɈ’åÙáÛˆ ÖÛ]ˆı|˜çÙ
“Ya Reb! Senî ke ey mektubê mi parçe kerd, ti zî ey û mulkê ey parçe parçe bikî.”1 Ha yo, tesîrê na zewte ra yo ke lajê ey Kîsra Perwîzî Şîrweyhî, pê xencer o perçe kerd.2 Se’d Îbnê Ebî Weqqas zî, seltenetê ey parçe parçe kerd. Quwetê Dewleta Sasaniyan tu cayêk de nêmend. Labelê Qayser û melîkanê bînan seba ke mektubê Nebewî rê hurmet kerd, mehf nêbiyî.
Ê Diyin: Nêzdiyê tewaturî meşhur o û ayetê Quranî îşaret kenê ke destpêkê Îslamî de Resûlê Ekrem ‘eleyhîsselatu wesselam, gama ke Mescîd-ul Heram de nimaj keno, reîsê Qureyşiyan pêserbiyê û duştê ey, muameleyêko xayet xirab/nebaş kerd. Ey zî, a game înan rê zewte daye. Îbnê Mes’ûd vano ke “Ez sond wena, ê ke muameleyo nebaş bide kerd û raştê zewta ey ameyî, Xezweyê Bedirî de mi yew bi yew laşê înan diyî.”3
Yê Hîrêyin: Qebîleyêko pîl yê ereban, ke tira Mudariye vajiyayêne, seba ke înan Pêxember ‘eleyhisselatu wesselam tekzîb kerd, bi qeht/xela înan rê zewt dayî. Varan biriya, qeht û xela dest pêkerd.
