Nêweşî, gedeyî, mecnûnî gelek zaf û zêd ameyî, pêrune şîfa diyo û şiyê. Hetta Ebû Ebdurrehman-el Yemamî ke çewres rey hec kerdo û çewres serrî pê destmajê îşayî nimajê sibayî kerdo û îmamanê pîl yê tabîîn ra yo û bi gelek sehabiyan yewbîndiyayîş kerdo û ke tira Tawûs vanê, bi hawayêko qet’î xebere dano û hukim keno û vato ke çiqas mecnûn ameyî hetê Resûlê Ekrem ‘eleyhîsselatu wesselamî, eke Resûlê Ekrem ‘eleyhîsselatu wesselamî, destê xo serê sîneyê înan de ronayo, muheqqeq şîfa diyo; oyo ke şîfa nêdiyo nêmendo.1
Ha yo, îmamêko wina ke resayo ‘esrê seadete, eke wina qet’î û kullî hukim kerdibo, helbet tu nêweşêk ke ameyo ey het nêmendo ke muheqeq şîfa diyo. Madem şîfa diyo, helbet mureceatî do hezaran bibî.
ÎŞARETO ÇARÊSIN: Bêjê Mûcîzeyanê Resûlê Ekrem ‘eleyhîsselatu wesselamî ra yew bêjo/çeşîdo pîl, ê xarîqayê ke bi duaya Ey zahîr biyî yê. Belê, no bêj, mutewatiro qet’î û heqîqî yo. Cuz û nimûneyê ey wina zaf ê ke nînê hesabkerdiş. Zafê nimûneyan estî ke ê zî vejiyayê dereceyê mutewatirî. Belkî nêzdiyê mutewatirî namdar biyê. Qismêk înan, îmamanê winayan ê neqil kerdê ke sey mutewatirê namdarî, qet’iyiye îfade kenê. Ma do nê gelek nimûneyan ra, tay nimûneyanê namdaran ke nêzdiyê tewaturî biyê û dereceyê namdariye de yê, sey nimûne û her nimûneyê ey de çend cuz’anê ey zikir bikerî:
Nimûneyo Yewin: Sere de Îmamê Buxarî û Îmamê Muslîm, îmamanê hedîsan, dereceyê tewaturî de ke zaf
