Gedeyo şeşin: Wexto ke Resûlê Ekrem ‘eleyhîsselatu wesselam nimaj keno, seba ke yew gedeyo bêtebat/fizûl, verniya nimajî ey ra viyarto, Resûlê Ekrem ‘eleyhîsselatu wesselamî vato: 2¿ÛÇɈ’åÙáÛˆ ¿|˜kÛr˜ ¿ÛNÛ\ÛŞÙ
A hile ra pey, êdî o gede nêeşkayo rayîr ra şiro wina mendo, cezayê fizûliya xo diyo.3
Gedeyo hewtin: Yew ciniya bêşerm ke tebîetî gedeyan de biya, gama ke Resûlê Ekrem ‘eleyhîsselatu wesselam werd weno, loqmeyêk nan tira waşto, ey zî dayo. Cinêke vato: “Ney, oyo ke fekê to de yo ez ey wazena.” Ey zî dayo. A ciniya bêheya, werdişê ey loqmeyî ra pey, bena wayîrê heyayêk tewr pîlî û miyanî ciniyanê Medîne de, tune bena ciniya tewr heyayine.4
Ha yo, sey nê heşt nimûneyan, heştay ney, belkî heşt sey nimûneyî estî. Zafê înan, kitabanê siyer û hedîsan de ameyî beyankerdiş. Belê, eke desto mubarek ê Resûlê Ekrem ‘eleyhîsselatu wesselamî, sey eczaxaneyê Hekîmê Loqmanî û aliya Ey sey hêniyê awa heyatî yê Hezretê Xizirî û nefesê Ey sey nefesê Hezretê Îsa ‘eleyhîsselamî, mededresa û şîfaresa bo û new‘ê beşer bibo girîftarê gelek musîbet û belayan, helbet mureceatê bêhed ro Resûlê Ekrem ‘eleyhîsselatu wesselamî ameyî kerdene.