Madem o ke keno zano, helbet o ke zano qisey keno. Madem do qisey bikero, helbet ê ke zîşuur û zîfikir û zanî qisey bikerî do înan reyde qisey bikero. Madem do bi zîfikiran reyde qisey bikero, helbet new’ê beşerî ke miyanî zîşuuran de yê tewr bi cem’iyet î û şuurê înan kullî yo do înan reyde qisey bikero. Madem do new’ê beşerî reyde qisey bikero, helbet miyanî new’ê beşerî de merdimê ke qabîlê xîtabî yî û mukemmel î do înan reyde qisey bikero. Madem merdiman ra ê ke tewr mukemmel î û qabîliyetê înan tewr berz o û exlaqê înan tewr ulwî yo eşkenî new’ê beşerî rê bibî rayber do înan reyde qisey bikero. Helbet do Resûlê Ekrem ‘eleyhîsselatu wesselamo ke bi îttîfaqê dost û dişmenan, qabîliyeto tewr berz de yo û pancin ra yewê new’ê beşerî ey rê îqtîda kerdo, nêmeyê ‘erdî kewto bin hukmê Eyê m’anewî. Û îstîqbal, hezar û hîrê sey serrî yo pê roşniya nuro ke Ey ardo roşn biyo û qismê nuranî û ehlê îmanî yê beşerî bi hawayêko mutemadî roj de panc rey Ey dir tecdîdê bîatî kenî û Ey rê duaya rehmet û seadetî kenî û Ey rê medh û muhebbet kerdo, ke o Muhemmed ‘eleyhîsselatu wesselam o, reyde qisey bikero û kerdo û do Ey bikero resûl û kerdo û do new’ê beşerî yê bînî rê bikero rayber û kerdo.

   ÎŞARETO NUKTEYIN O DIYIN: Resûlê Ekrem ‘eleyhîsselatu wesselamî, îddîayê nubuwwetî kerdo,  fermanêk sey Quranê ‘Ezîmuşşan nawnayo/mojnayo û hetê ehlê tehqîqî de henda hezaran mûcîzeyê eşkerayî nawnayê. Ê mûcîzeyî pêro henda wuqûyê dawaya nubuwwetê wucûdê înan qet’î yê. Qûrano Hekîm ke zaf cayanê xo de hetê kafiranê tewr înadinan ra îsnadê sêhrî neqilkerdişê xo reyra nawneno ke ê kafirê înadinî zî nêeşkenê estbiyayîş (wucûd) û qewimiyayişê mûcîzeyan înkar bikî. Tena seba ke xo û etbayê xo bixapînî -haşa- vato: “Sêhr o.”