VATEYO YEWIN
بِسْمِ اللّٰهِ الرَّحْمٰنِ الرَّحٖيمِ
“Bîsmîllah” destpêkê heme/her xeyran a. Hem ma zî verî, aye reyra destpêkenî. Hey nefsê mi bizani! Na kelîmaya mubareke hem nîşanê îslametey a hem ziwanê halî reyra wird û zikrê heme mewcudatan a.
Eke ti biwazî fam bikerî, Bîsmîllah çiqas yew qeweto xişn a û nêqedîna, çiqas yew bereketo bêpeynî ya, na meselaya temsîlî ra biewni, bigoşdari…
Merdimo ke biwazo çolanê ereban de koçeriye bikero û bigeyro, lazimo ke nameyê serekê yew ‘eşîrî bigêro û bikewo bin setara ey. Heta ke pê şerê keleşan ra bireyo û hewcedariya xo tedarîk bikero. Wina nêkero û xo ser hereket bikero, duştê dişmen û îhtiyacanê xoyê bêheseban de perîşan beno.
Yew dem, seba geyrayîşo winayîn, di merdimî piya şinî çole. Înan ra yew nefswirdêk bi… O bîn nefsxişn… Nefswirdêk nameyê yew serekî girewt. Nefsxişnî nêgirewt... Oyo ke nameyê serekî girewt her ca de bi selamet geyra.