Kitaplar
Vateyê Qijekî

   Ê diyin: Xayeyê îbadetî o yo ke fîkran ageyrno Sin’etkarê Hekîmî. 'Evdo ke verê xo dano Sin’etkarî Hekîm ey rê îtaet û sere ronayîş îcab keno. Îtaet û sere ronayîş zî 'evdan dekeno bin întîzamêko bêqusur. Dekewtişê bin întîzamî û nîzamî rê sere ronayîşê 'evdan reyra sirrê hîkmet yeno meydan. Hîkmet zî bi neqşê Sin’etê ke sehîfeyê kaînat de beriqênî ra xo nawneno.

   Ê hîrên: Însan sey santralî heme nîzamanê xilqetî rê, qanûnanê xeleqnayîşî rê û şewq û şemalanê qanûnê îlahî rê kaînatî de merkez o. Coke ra lazim o ke însan xo fîno nê qanûnan û xo pê gireydo/pabesto. Û dawa înan pêt bigîro ke ceryanê hemînan temîn bikero, û hereketê ke kaînatî de viz benî, hereketanê xo yê muxalîfan reyra bin çerxê înan de nêpelixiyo. No zî encax îbadet reyra beno ke emr û yesaxan ra îbaret o.

   Ê çarin: Kewtişê bin emrî û xo hemetkerdişê hereman û yesaxan reyra şexs miyanê cematî de gelek merteban ra têkiley roneno û aleqedar beno. Baxusûs hetê ruknê dînî û hetê meseleyanê pîroyî de şexs beno cematêk. Yanî gelek wezîfeyê sey huquqî, sey şeref û rûmetî, sey nîşankerdişê rayîro rastî, sey karê musayîş û musnayîşî, sey islahkerdişî, yew şexis rê bar benî. Eger o şexso ke pey emran şino û hereman ra remeno çin bo, ê wezîfeyî pêro puç benî.

   Ê pancin: Însan bin versiya îslamiyetî de semedê îbadetî ra heme muslumanan ra aleqeyêko daîmî peyda keno; û îrtîbatêk û gireydayîşêko zexm fîneno xo dest. Nê zî benî sebebê heskerdişê rastikênî. Xoma palikê/dikekê sifteyinî û tewr verênî ke benî sebebê kamilbiyayîş û averşiyayîşê cematî, (heme çî ra raver) birartiye û heskerdiş o. 

Hata Bildirim Formu
Sayfalar
1234567891011121314151617181920212223242526272829303132333435363738394041424344454647484950515253545556575859606162636465666768697071727374757677787980818283848586878889
Fihrist
Lügat