Heta ke ez tirba xo rê dahîna vêşî roşniye berşawa. Ez axîretê xo rê daha vêşî zexîre pêser na (peyda bika).”

   Welhasil: Hey nefs! Bizani ke: Rojo vizêrên destê to ra vejiyayo. Meşti rê zî qet sened to dest de çin o ke ti sax bimanî. Madem winî yo, bizani ke ?emrê to yo rastikên no rojo ke ti ha tede yî. Tewr tayn yew saetê rojê xo, sey pereyê hewcedariye, fîni miyanê yew sendiqa uxrewî ke sey camî yan zî seceda seba ameyoxê rastikên yan zî seba axîretî viraziyaya.

   Hem bizani ke: Her rojo newe; hem to rê hem her kesî rê berê alemêko newe yo. Eke ti nimaj nêkerî, alemê to yê ay rojî halêko perîşan û tarî de şino. Alemê mîsal de vera riyê to şahîdiye keno. Çunke her rojê nê alemî de her kesî rê alemêko xususî est o. Hem o alem her kesî rê gorebê qelb û ?emelê înan erj gêno. Senî qesrêka rind û heybetine ayniki de sey rengê eyniki bena. Eke eynik siya bo a zî siya asena, eke sur bo aye zî sur asena.

   Hem a qesre şeklê eynikî ra niyadana, eke camê eynikî duz bo, qesre weş nawneno. Eke duz nêbo, bed nawneno. Wexto ke eynik bider nêro, senî çiyanê weş bed nawneno, eynî ti zî bi qelbê xo, bi ‘emelê xo, bi aqilê xo, bi zerra xo şeklê alemê xo vurînenî. Yan aleyhê xo de yan hetê xo de ti na alemî şînî xo rê bikerî şahîd.

   Eke ti nimaj bikerî, vera xo tadî humermendê nê alemî, Saniyê Zulcelalî, desinde alemê to yê xususî roşn beno. Seke nimajê to çilaya elektrîkî bibo, niyetê to yê nimajî zî tavistişê kilîtê aye bo, şewreşiya elemê to yê xususî vila keno, vîndî keno. Nawneno ke nê hereket û vuriyayîşê na dinyaya serebin/meqlum miyanê xo de her yew întîzamêko hîkmetin û her yew nuştişê Qudretê manayin î.