Ti zî ey ra vajî: “Ney, ez nîna. Çunke des quruşî go yewmiyeyê mi ra bibiriyo. Rizqê mi go kemî bibo.” Na game helbet ti zanî ke no bahaneyê to çiqas deluyiya xişn a.

   Sey ney, ti no rezê xo de seba rizqê xo kar kenî ^(Haşiye) , eke ti nimajî biteriknî, ke ferz o, ti tena yew nefeqaya dinyayî û bêfayde û bêbereket xo dest fînenî. Eke ti wextê xo yê cîfgirewtişî nimajo ke sebebê rehetiya ruh û cîfgirewtişê qelbî yo serf bikerî, o çax, nefeqaya dinyayiya bereketin reyra, ti di madenanê manewiyan vînenî ke nefeqaya to ya uhrewî û zadê to yê axretî rê çimeyê muhîm î.

   Madeno Yewin: Heme dar û bero ke ti no rez de qayte kenî – wazenî wa vilikin bî wazenî wa meywedar bî- tesbîhatê her dare ra, seba niyatê xo yê rind, ti yew hîsse gênî.

   Madeno Diyin: Hem kam ke no rez ra boro –wazeno wa heywan bo, wazeno wa însan bo, wazeno wa gamêş bo, wazeno wa mêşna bo, wazeno wa erînayox bo wazeno wa dizd bo - to rê sedeqe beno. Labelê şertê ey est o ke ti namebê Rezzaqê Heqîqiy, çerxê emrê ey de, xo sey memûro ke nê rizqan mexlûqanê Homay rê vila keno vînî.

   De bew: Çewo ke nimajî terikneno çiqas xesarî do, çiqas sermayeyêko xişin vîndî keno, her di madenê ke xebatî rê paşti û qewetêko manewî danî ra mehrum beno, îflas keno. Hem çiqas ke pîr beno nê gureyê rezî ra zî eciz beno (ecizîno), bêxeyret beno. Vano: “Mi rê çi lazim o. Ez xoma na dinya ra şina. Qey çi rê ez hende zehmet banca.” Nê vatişê xo reyra xo fîneno miyanê terraliye. Labelê çewo ke nimaj keno vano: “Ez go hîna zaf îbadet reyra seba xebatê helal bişuxuliya.