Kitaplar
Vateyê Qijekî

   Mi va: “Hey nefs!...Vateyê ke ti miyanê nêzanayîşê nezaniye de (nezaniya qat bi qat de), ser doşekê terraliye de, hewnê xefletî de vanî, vera nînan panc îqazan mi ra beşnawi.”

   Îqazo Yewin:

   Hey nefsê mino bextreş! Ma eceb ‘emrê to bêpeynî yo? Ma qet senedê to est o ke ti go heta serrna yan zî meşti bimanî? Çiyo ke to ecizneno fikrê to yo ke ti xo ebedî hesibnenî. Ti nazan kenî. Seke ti kenî ke seba keyf tim dinya de bimanî. Eke to fam bikerdinî ke ‘emrê to kemî yo, hem bêfayde şono, helbet vîst û çarê ey ‘emrî ra yewê, xizmetêko rind, weş, rehet û rehmetin ke go bibo sebebê keyfweşiya yew cuya daîmî rê serf kerdene; eciz biyayîş bira wa uca bimano, belkî beno sebebê têrakerdişê waştişêko muhîmî û zewqêko weşî.

   Îqazo Diyin:

   Hey nefsê mino gerreker! Ti her roj nan wenî, awe şimenî, cîf gênî û danî, ma eceb nê to eciznenî? Madem ke to nêeciznenî, çunke seba ke îhtiyaciye tekrar bena, ecizbiyayîş ney belkî ti lezzet gênî. Madem winî yo, o nimajo ke xaneyê bedenê to de embazanê to ra qelb rê êm (xida), ruh rê awa cuyî, cîfgirewtiş û cîfdayîşê letîfeyê Rebbanî yo gerek to nêecizno.

   Eya, bin tesîrê ax û kulanê bêpeyniyan de mende û aşiqê lezzet û emelanê bêpeyniyan biyaye yew qelb rê êm û qewet encax dua reyra kutişê berê Rehîmêko Keremkar ke hukmê xo heme çî vêreno, destfînîno.

   Eya, na dinyaya fanî de, heme mewcudat reyra eleqedar yew ruho ke poxtê cêserkewtişî ra haho û hawar û gazînanê xo keno û şono rê awa cuyî, encax nimaj reyra, verê xo hêniyê rehmetê yew Ma’budo Baqî, yew Mehbûbo Sermedî dayîş reyra şimîno. 

Hata Bildirim Formu
Sayfalar
1234567891011121314151617181920212223242526272829303132333435363738394041424344454647484950515253545556575859606162636465666768697071727374757677787980818283848586878889
Fihrist
Lügat