Kitaplar
Vateyê Qijekî

   Hem îşaretê na tîja xişna ke verbi awa şona, wextê nawniyayîşê meymanî û binemriya însanî û wextî nawniyayîşê miweqetiye û bêqerariya heme çiyan o.

   Nika, ruhê însanî ke seba ebed xelq biyo û ebediyetî wazeno, dayîşê Homay ra bol hes keno, dûrkewtişê kes û çiyo ke tera hes keno ra zî bol zerrveş beno; eke warzo destnimaj bigîro, seba kerdişê nimajê ‘esrî/îrey dergahê Qadîmê Baqî, Qeyyumê Sermediyê Semedanî de vindero bi duakerdiş xo fîno rehma eyê bêpeynî, vera nîmetanê eyê bêhûmar  hemd û şikr bikero, îzzetê Rubûbiyetê Homayo daîmî rê bi nefsnizmiya xo reyra secde bikero û yew hewniya/teselliya heqîqî, rehetiyêka ruhî vîno, huzurê xurteya Rebbê Alemî de vindero, destanê xo besto, yanî nimajê îrey bikero, çiqas wezîfeyêko rûmetin, çiqas xizmetêko minasîb, çiqas dayîşê deynî, çiqas sebebê heqkerdişê saedetêko weş o, însano ke însan bo fam keno.

   Wextê mexrebî/şandî de –ke o wext- hem xatirwaştişê mexlûqê hamnan û payîzî, ê weş û nazikî ke destpêkerdişê zimistanî de bi xatirwaştişêko xemgîn vîndî benî, anî vîrê merdiman. Hem mergo ke însanî heme dost û embazan ra dûrî fîneno, xemgîn keno, dekeno tirbi, vîrê merdimî fîneno. Hem wexto ke dinya erdlerzê mergî reyra wefat bika, mexlûqê ke tede yî pêro şîrî alemêko bîn, hewnaşiyayîşê çilaya/lambaya na cuya îmtîhanî vîrê merdimî fîneno. No wext, kesê ke çiyanê faniyan ra mehbûbanê vîndîbiyayan ra heskenî ziwanêko dehşetdar reyra înan hêşdar keno. Eya no ruhê însanî ke viraziyayîşê xo de aşiqê Cemalê Baqî yo, wextê mexrebî de, seba nimajê mexrebî, dergahê Qadimê Lemyezel, Baqiyê Layezel ke nê karanê xişnan keno û nê alemê xişnî çerixneno, verê xo dano meqamê girdeya ey, ser nê faniyan de “Ellahuekber” vano, seba xizmetê Mewla destan besteno, huzurê Baqiyê Daîmî de vindeno “Elhemdulîllah” vano. Vera bêkemaniya Homayo bêqusur, vera cemalê eyê bêmîsal, vera rehma eya bêpeynî hemd û sena keno û 

اِيَّاكَ نَعْبُدُ وَ اِيَّاكَ نَسْتَعٖينُ

 vano.

Hata Bildirim Formu
Sayfalar
1234567891011121314151617181920212223242526272829303132333435363738394041424344454647484950515253545556575859606162636465666768697071727374757677787980818283848586878889
Fihrist
Lügat