Nêgra o rayîro derg de, fen û felsefe û huner û îlmê dinya pêro panc quruşî nêkenî. Roştiya înan Heta keyberê tirbe yo. ¹

   Heya hey nefsê mino terral! Panc wext nimaj kerdene û hewt guneyanê girsan terk kerdene, çiqas çiyo taynek, rehet û sivik o. Xeyr û meywe û faydeyê înan çendehîna bol giran û gird o, eke aqilê to est o, eke nêxeripiyaye yo ti fam kenî. Ti no merdimo hîlekar û şeytanî ke to silayiya gunehkariye û rezîliye keno ra vaji: “Eke çareyê xo est o û ti şikînî mergî bikişî, peynîameyîşê ‘emrî riyê dinya ra wedarî. Însanan kî ecz û xizaniye ra dûrî fînî. Û eke ti şikînî berê tirbe padî, vateyanê xo vaje. Ma kî goşbidîme. Nêke vengê xo bibirne! Mescîdê kaînatê girdî de Qur'an ho kaînatî waneno. Ma goşbidîme ey. Ma bi o nur ra nuranî bibîme. Pê rastiya ey ‘emel bikerîme. Ma ey xo rê zikir bikerîme. Heya, vatiş no yo, ey ra vanî. Çiyo ke heq o, Heqî ra yeno, heq vano, heqîqetî nîşan dano, nurê hîkmetî neşr keno o yo...