Kitaplar
Vateyê Qijekî

   Û a raywaniya fermanine kî; seferêde dergo îmtîhanin o ke, alemê ruhan ra, rehmê maderî ra, qeçekiye ra, kokimiye ra, dinya ra, tirbe ra, berzehî ra, heşr ra û siratî ra vêreno ra.

   Û ê her di şîfreyî kî; Cenabê Heqî rê îman û axîretî rê îman o. Heya, bi no şîfreyo bimbarek ra merg; merdimê mumîn rê beno estorêde Buraqe û ey zindanê dinya ra beno bostanê Cennetî, huzbarê Rehmanî. Coka merdimê kamilî, ê ke nê heqîqetê merdişî diyo, merg ra hes kerdo, hema merg nêameyo merdişê xo waşt o.

   Hem raviyartişê zemanî ke peyniya ‘emrî ano, merdimî dostan ra fîneno dûrî, mergî xo de ano, jê dara xeniqnayîşî yo, bi şîfreyê îmanî ra keweno suretê jû wasita ke teze-teze, reng-reng, tewir-tewir, mu’cîzê neqşê Saniyê Zulcelal, qudretê Humermendê Zulcelal, eserê rehmeta Ey lezzetêde tam reyra ano verê çimanê merdimî û dano temaşekerdiş.

   Heya bedilnayîş û newekerdişê eynikê ke rengê nurê tîjî nawnenî û vurînayîşê perdeyê sînema, menzera û vînayîşanê daha weşan, daha delalan anî meydan. 1

   Û ê her di dermanî kî; ci ra jû, sebirkerdiş, baweriya xo Rebbê xo ardiş, poşta xo dayîş Xaliqê xo û îtîmadê ey kerdiş o. Ma henî yo? Heya merdimo ke pê wesîqaya ecza xo poşta xo bido Sultanê Cîhanî, wayîrê emrê “Kun Feyekun”î, ma tersê ey çî ra maneno?

   Coka vera belayêde zaf giranî kî o mumîn.

اِنَّا لِلّٰهِ وَاِنَّٓا اِلَيْهِ رَاجِعُونَ

vano. Rebbê xo ra bawer beno, zerriya ey kî rehet bena. 

Hata Bildirim Formu
Sayfalar
1234567891011121314151617181920212223242526272829303132333435363738394041424344454647484950515253545556575859606162636465666768697071727374757677787980818283848586878889
Fihrist
Lügat