Kitaplar
Vateyê Qijekî

   Eke ti aqilê xo biroşî Homay, ti ey bi nameyê ey bişuxulnî; o do bibo mifteyêko hende kermatin ke, no alem de xizna û defînaya rehmetî pêroyînî bişîno akero. O do bi no kerdeyê xo ra, wayîrê xo rê bibo murşîdo Rebbanî, bibo sebebê saedetê ebedî.

   Neysene (mîsal): Çim aletêk o ke ruh a pencera reyra alemî temaşe keno. Wexto ke ti nêroşî Homay, hesabê nefsê xo de bişuxulnî; o do menzereyan û tay weşiya çiyanê miweqet û bêdewaman temaşe bikero, hewesanê nefsê to rê bibo xizmetkarêko qewwat. Eke ti çimî xo biroşî wayîrê eyê heqîqiy, Hunermendo Besîr, namebê ey bişuxulnî; o wext no çim do no kitabê kaînato girs rê bibo wendekar. O do mucîzeyanê hunerê Rebbanî nê alem de temaşe bikero. Vilikê rehmetî ke no bexçeyê dinya de benî a, o do miyanê înan de bibo hingêka mubareke.

   Lezzetgirewtişê ziwanî neysene: Eke ti nêroşî Fatirê Hakîmî, seba nefs û madeyî bişuxulnî, o çax, o do paluka û axurê mîdeyî rê bibo berîwan. Îskut beno. Eke ti biroşî Rezzaqê Kerîmî; o çax lezzetgirewtişê ziwanê to, xiznaya Rehma îlahî rê beno nezirêko hunerdar. Metbaxa qudretê Semedanî rê beno mufetîşêko şakir.

   Eya, hey aqil! Dîqet biki! Aletêko bêyom ke merdimî ecizneno ho ça? Mifteyê kaînatî ho ça? Hey çim rind biewni! Qewwadêko berdoş ho ça? Kitabxaneyê îlahî rê wendekaro zanaye ho ça? Û hey ziwan weş tehm biki! Yew berîwanê axurî, yesaxkerdoxê paluka ho ça? Nazir û teftîşkar û teyvetoxê xiznaya Rehmetî ho ça?

   Û sey nînan eke ti sewbîna alet û weslan qiyas bikî, ti hol fam kenî ke mumîn rasta layîqî Cennetî yo, kafir zî rasta layîqê Cehennemî yo.

   Çunke, mumîn seba îmanê xo aletanê xo namebê Xaliqê xo şuxulneno, layîqê Cennetî beno û kafir seba ke emanetan rê xiyanet keno, aletanê xo seba hewesê nefsê xo şuxulneno, layîqî Cehennemî beno.

Hata Bildirim Formu
Sayfalar
1234567891011121314151617181920212223242526272829303132333435363738394041424344454647484950515253545556575859606162636465666768697071727374757677787980818283848586878889
Fihrist
Lügat