Pers: Çi yo?

   Cewab: Mal û milkî û nê alet û edawatan wayîrê înan ê heqîqiy rê rotene. No rotişê de panc dereceyî kar miyanê karî de est o.

   Karo yewin : Malo fanî baqî beno. Çunke merdim no ‘emro fanî bido Qayyumê Baqî, bido Zatê Zulcelalî, rayîrê ey de serf bikero, beno baqî û daîmî. Fêkiyanê baqiyan dano. O wext, deqqe û saniyeyê ‘emrî, her çiqas tebera seke toxim û dendikî ke bin herri de helisênî, vîndî benî. Labelê Alemo Daîmî de vilê saedet û zerrweşiye akenî û Alemê Berzah de benî menzereyê roşndar. ¹

   Karo Diyîn : Fiyatêk sey Cennetî yeno dayîş.

   Karo Hîrên : Qîmetê her alet û edawetan yew ra vejîno hezar, neysene (ma majî): Aqil aletêk o. Eke ti aqilê xo nêroşî Homay û seba nefsê xo bişuxulnî, o do bibo aletêko hende pîs û xirab ke to tim gandê xo ra biecizno. Gelo o do senî biecizno? Çunke aqil do elem û kederê zemanê viyartî û qewimiyayîş û serebutanê ameyoxî sereyê to ser kur biko û to miyanê tersan de perîşan biverdo. O do bibo aletêko bizerar û bêbereket û bêqewet. Coka însano ke emrê Homay terikneno seba ke nê nêweşiye û caverdayîş ra aqilê xo bireyno, ya xo serxoş keno yan zî xo dano qeşmerey ro. Heta ke nê derd û kulanê viyarteyan, endîşe û tersanî ameyoxan xo vîra bikero.