Kitaplar
Vateyê Qijekî

   “Ney. Padîşah kam o” Ez mal û milkê xo nêroşena. Ez keyfê xo nêherimnena.”

   Demeyêk kilm de merdimo sifteyên, vejiya hende yew mertebeyo berz ke her kes zerrî bider xeriqnaynî (werreyê xo ey ardîn). Mezherê îkramê padîşahî biyo. Qesra ey ê taybetî de pê keyfweşiye ciwiyîno. O bîn kewt halêko hende xirab ke hem pîzeyê her kesî bider veşaynî hem zî vatinî “misteheq o.” Çunke,hem milk û saedetê ey şiyo hem zî ceza û ezab anceno.

   Eya hey nefso pirrheweskar! Dûrbînê na mesela reyra heqîqetî ra biewni. O padîşah Sultanê Ezel û Ebed Rebbê to, Xaliqê to yo. O çîflîg û makîna, ê alet û hacatî zî heyat û beden û cismê to de çiyê sey ruh û zerrî, çiyê sey çim û ziwanî, çiyê sey aqil û xayalî yî. O rayber zî Resulê Ekrem o. O fermano qaîm zî Qur-anê Hakîm o ke tîcareto xişno ke ma qalê ey kenî na ayete reyra nîşan dano:

اِنَّ اللّٰهَ اشْتَرٰى مِنَ الْمُؤْمِنٖينَ اَنْفُسَهُمْ وَاَمْوَالَهُمْ بِاَنَّ لَهُمُ الْجَنَّةَ

   O meydanê herbî yo zelzeleyên zî na dinyaya firtinayin a ke nêvindena, geyrena, xeripêna û fikrêko winayîn ana vîrê her merdimî: "Herçî heme çî do destê ma ra bivejiyo, do fanî bibo û vîndî bibo. Eceb her dem dewmnayîşê (baqîkerdişê) nê çiyan mumkin niyo?”

   Gama ke merdim wina fikirîno, asmên ra vengê Qur-anî eşnawêno, vano: “Ya mumkin o, hem zî bi çareyêko weş ke panc dereceyî kar tede est o.”

Hata Bildirim Formu
Sayfalar
1234567891011121314151617181920212223242526272829303132333435363738394041424344454647484950515253545556575859606162636465666768697071727374757677787980818283848586878889
Fihrist
Lügat