Miyûnî derdî nefeqayê xu di beno vîndî. Ferzî îslamî terikneno. Semedî qezençkerdişî nefeqayê xu her bêj gune keno.

   O talîm û talîmat zî; îbadet o - her çî ra ver nimackerdiş o - O ceng zî; vera nefs û vera şeytûnûnî îns û cindûn herbkerdiş, guneyûn û ehlako rezîl ra dûrkewtiş û qelb û ruhî xu zî xesarî ebedî ra xelisnayîş o.

   Ê her di wezîfeyî zî: Yew; dayîşî cuyî û weyekerdişî ey o. O bîn; dayoxî cuyî û qaytekerdoxî ey rî perestîş û laway kerdiş o. Ey rî bawer biyayîş û tewekkul kerdiş o.

   Belê ina cuya ki mucîzeyî hunerî Samedanî ra tewr beriqiyaya û harîqayî hîkmetî Rebbanî ya. Kam ki ina cuyi dayo û xeleqnayo, O yo ki pê rizq ey miqayte keno û ey berdewam keno. Bê Ey çew nêşkeno bikero. Ma ti delîl wazenî? Heywûnî tewr zeîf û ehmeqî tewr rind miqayte benî. (Sey maseyûn û karmî meyweyûn). Mexlûqî tewr eciz û nazikî rizqo tewr baş wenî. (Sey qicûn û pitikûn).

   Belê eger ti biwazî fehm bikî ki destvistişî rizqo helal ne bi qewet û qudret û waştişî yo, belkî pê ecizî û zeîfî yo, maseyûn û luyûn ra ¹ , pitikûn û cinawirûn ra, darûn û heywanûn ra biewni, pêverni, bes o?

   Demek, çewo ki semedî nefeqayê xu nimac terikneno, beno sey yew nefero ki ceng û talîm di meterîs terk keno û miyûnî şaristanî di parse geyreno. Feqet merdim nimacê xu biko û dima zî nefeqayê xu mitbaxê Rehmetî Cenabî Rezzaqî Kerîm ra biwazo, semedî nefeqayê xu bişuxuliyo -ke kesî rî nêbo bar- zaf rind o, inasar (in qide) şuxul camêrdî ya û îbadet o zî.