VATEYO PANCIN

بِسْمِ اللّٰهِ الرَّحْمٰنِ الرَّحٖيمِ

اِنَّ اللّٰهَ مَعَ الَّذٖينَ اتَّقَوْا وَالَّذٖينَ هُمْ مُحْسِنُونَ

   Eger ti biwazî bivînî nimackerdiş û guneyûnî girdûn ra dûrî vindertiş însûnî rî çend yew wazîfeyo heqîqî yo, çiqas fitrî yo, netîceyî xeleqniyayîşî însûnî rî çendêk minasîb o, biewn ina meselaya temsilî ra, goşdarî bik...

   Wextî seferberlix de, yew tabur di, di eskerî, înûn ra yew zûnaye û wazîfeperwer, o bîn xeşîm û nefsperwer est biy. Nefero wezîfeperwer talîm û cengî di zaf hêşdar bi. Werabê xu qet nifikiriyaynî. Çunke fehm kerdibi ke: Weyekerdiş û sîlahdayîşî ey, nêweşî di dermandayîşî ey, hem gûma ki nêeşka werî xu biwero loxme ey fekenayîş zî dewlet sero yo. Zûnaynî ki wezîfeyî ey o heqîqî talîm û ceng o. La ge-ge xebatê erzax û cîhazat zî kerdinî. Mitbaxe di şuxulyaynî, nûn û werd kerdên hedre, ardên, firaqî şutên. Tira bivaciyaynî: “Ti hey se keni?” vatên: “Ez ha xebatê dewleti kena.? Nêvatên ez semedî nefaqayê xu xebitêna.