VATEYO ÇARIN

بِسْمِ اللّٰهِ الرَّحْمٰنِ الرَّحٖيمِ

اَلصَّلَاةُ عِمَادُ الدّٖينِ

   Eger ti biwazî seke di rey di keno çar fam bikî ki nimaj, çendehîna bi qedr û qîmet o hem çendehîna erjan û bêmesref qezenç beno. Hem merdimo bênimaj çendehîna xînt û bêaqil o û wayîrê zirarî yo, na hîkayeya temsîlî ra biewni, bivîni:

   Wextêk yew hakîmo pîl di xizmetkaranê xu - vîst û çar zerrnan dano wir yewînî - seba îkametkerdişî erşaweno baxçeyê xu yo ki dûreya ey di mengî anceno. Û înan rê emir keno:

   “Pê nê peran mesrefê rayîrî û heqê biletê xu bidî. Hem çiyê ki meskenê şimayê ucayî rê lazim benî bierînî. Rayîro yew roje di îstasyonêk est a. A îstasyone di hem ereba, hem gemî, hem qerebafûm/tren, hem zî teyara est a. Her kes goreyê semayeyê xu çiyêk wenîşeno.?

   Badê dersê xu girewtişî, her di xizmetkarî raymanenî. Tira yew bextiyar bi, heta ki reseno îstasyon tayn peranê xu xerc keno.