Keso ke rehme rexne biko rehm ra meheyr maneno. Seba heyf girewtiş desto şikite şuğulnayîş, senî şikîyayîşê ey zêdneno, winî zî, merdimo ke yew musîbet ey sareyê ser de ameyo, îtîraz, gerre û mereq reyra têbigeyro, musîbetê xo dila keno.

   Meseleyo Diyin: Musîbetê maddî eke gird bivînîyî hîna gird benî, qij bivînîyî qij benî. Ma vajî, şandanan (şanan de) xeyalêk çiman merdimê vera keweno. Çiqas ehemmîyet bidîyo ci, girs beno, eke ehemmîyet ci nêdîyo, vîndî beno. Hawayo ke hingê/mozê ke êriş kenî, kê têkilê înan bibî, êriş zêdêno, kê peygoş bikerî, vila benî, musîbetê madîyî zî wina yî, merdim çiqas bi ehemmîyet tira bewnîyo, gird benî. Meraq reyra o musîbet leş ra vêreno qelb de zî ca gêno, beno sebebê musîbetêk manewî, ey ra paşt gêno, dewam keno. Kam gama ke ê meraqî pê qeda rê razîbiyayîş û tewekkul reyra biestero, seke reyeyê/ristimê yew dare bibirîyî, musîbeto maddî gam bi gam sivik beno, sey dara ke rêçê (ristimê) aye birîyayî, wişk bena, şona. Seba tarîfkerdişê nê heqîqetî demey wina mi vatibi:

Fek vera di hey bêçare feryadî ra, bela ra biki tewekkul.

Çunke feryad bela mîyan de, xeta mîyan de bela yo bizan.

Eke to beladayoxî dî, şadîye mîyan de, lutif mîyan de bela yo, bizan.

Eke to nêdî, heme dinya cefa mîyan de, fena mîyan de bela ya bizan.

Dinya homay belay to sarê ser dî, ti çi qîrenî yew belayê qijkekî ra?

Bê, tewekkul biki.

Tewekkul reyra bela ro bihuwi, ta o zî bihuwîyo. Kê çiqas bihuwîyo O qijek beno.

Vurîyeno.