NUKTEYO DIYIN

   Hawayo ke Vateyo Vîsto Şeşin de derheqê sirrê qeder de dîyayo zanayîş, demê bela û nêweşîye de hîrê cîhetan ra heqê însanan çin o ke gerre bikerî.

   Cîheto Yewin: Cenabo Heq, cila wicûdî ke însanan ro daya sero sinetê xo nawneno. Însanî kerdo yew model; a cila wicûdî, o model sero qesneno, fesilneno, bedilneno, vurîneno, tewir bi tewir nameyanê xo ey sero nawneno. Senî nameyê eyo Şafî nêweşîye wazeno, nameyê eyo Rezzaq rê zî veyşanîye lazim a. Û sey nînan..

مَالِكُ الْمُلْكِ يَتَصَرَّفُ ف۪ى مُلْكِه۪ كَيْفَ يَشَٓاءُ

   Cîheto Diyin: Heyat bi tofanan, nêweşîyan zelal beno, reseno kemalê xo, qasidî beno (qewet gêno), aver şono, netîce dano, kamil beno, wezîfeyê cuyî ano ca. Doşegê îstîrehatî de heyato yewrî, wicûdo ke safî xeyr o ra vêşêr hîna nizdîyê çinbiyayîşo ke safî şer o yo, û verbi ey şono.

   Cîheto Hîrêyin: Na dinya, meydanê îmtîhanî ya û cayê xizmetî ya. Cayê lezzet û destmij û mukafatî nîya. Madem cayê xizmetî ya û cayê ubûdîyetî ya; vera nêweşîyî û tofanan, eke dîn ro nêrî, sebirkerdiş, ê hizmetî rê û ê ubûdîyetî rê zaf muwafiq keweno û qewet dano ci. Û seba ke her yew saetî herinda yew roj îbadetî de dano hesibnayîş, [tira] gerre ney, şikirkerdiş îcab keno.

   Heya, îbadet di bêj o: Qismo yew musbet, o bîn menfî yo. Qismo musbet eşkera yo. Qismo menfî zî;musîbetzede ridê nêweşîyî û beleyan ra, zeîfîye û ‘eczê xo fehm keno, bextwaştişane vera xo dano Rebbê Rehîmê xo, Ey fikirîno,