Hem ma vajî; merdimo ke yew guneyo pîl bikero, ke cezayê ey Cehennem bo, gama tehdîdanê Cehennemî bieşnawo û eke nêdekewo daldeyê îstîğfarî, vera ey guneyî xo hemet nêkero, semedo ke can û ruhê xo reyra çinbiyayîşê Cehennemî wazeno, yew delîlo qijkek û yew şik, qewet dano ey ke Cehennemî înkar bikero.
Hem ma vajî; yew merdimo ke nimajê ferzî nêkeno û wezîfeyê ‘evdîtîya xo ca nêano, o merdim semedê yew qusurê xoyê qijkekî ra gama yew sermênê xoyê şenikî ra îqazêk bieşnawo, xo pê dejneno. No merdim yew tembeleya ke vera ferzan û emranê pêdimayan ê Sultano Ezel û Ebedî biko, na yew sixintîya pîle dana ci û a sixintî ra wazeno û xo bi xo (manen) vano ke: “Werrekîna o wazîfeyê ubûdîyet çin bibîynî.” Û no waştişî ra seke manewî boya dişmenîya îlahî bêro, yew qayîlbiyayîşê înkarî destpêkeno. Eke derheqê wicûdê îlahî de yew şik dekewo qelb, seke qet’i yew delîl bo, mêl bere keno. Yew berê helako pîl ci rê beno a. O bedbext nêzano ke bi wasitayê înkar herinda yew sixintîya gelek qijkeke –wazîfeyê ubûdîyetî– ra, înkar de, o sixintî ra mîlyonan ra vêşêr û dahîna muthîş hedefê sixintîyanê manewîyan beno. Pededayîşê meyse ra remeno pededayîşê marî qebul keno. Û hakeza… Nê heme hîrê mîsalan reyra bêro pêveronayîş ke wa pê sirrê
بَلْ رَانَ عَلٰى قُلُوبِهِمْ
fehm bibo.