Çike, eke dinya de bimendinî, go des serrî, nedaîm û mîyanê elem de, mi rê bîynî sebebê heskerdişê ewladî. Eger salihên bibîynî, heqdê gureyanê dinya ra biameynî, belkî mi rê ardim bikerdinî. Feqet wefatê xo reyde, Cenneto ebedî de, des mîlyon serrî, mi rê beno sebebê heskerdişê ewladî û seadetê ebedî û keweno herinda şefaetçî. Helbet û muheqeq, yewdo ke menfaeto şikin, peşîn vîndî bikero, menfaeto tesil û taloqin qezenç bikero, elemo kederin nêaanceno, bêhêvîyane feryad nêkeno.

   NUQTAYA HÎRÊYINE

   Domano ke wefat kerdo, maxluqêde Xaliqê Rehîm, koleyê Ey, ‘evdê Ey, û heme weslanê xo reyra sin’etê Ey û embazê may û pîyê xo bi ke ê zî aîdê Ey î, yew fesle pabeyê may û pîyê xo veradîyabi. Bawk û daykê ey, ey rê kerdî xizmetkar. Vera xizmetanê may û pîyî, hezey yew destmizo peşîn, yew şefqatêde lezzetin dayo înan.

   Nika, o Xaliqo Rehîm, ke hezar ra new sey û neway û new wayîrê hîsseyî yo, semedê lazimeya rehmet û hîkmetî ê tutî destê to ra bigêro, xizmetê to biqedîno, pê yew hîsseyo zureyin, vera wayîrê hîsseyo raştikên, hezey gerrekerdişî, bêhêvîyane hezn û feryad kerdiş goreyê ehlê îmanî nîyo, belkî goreyê ehlê ğeflet û dalaletî yo.

   NUQTAYA ÇARINE

   Eger dinya ebedî bibîynî, însan tede ebedî bimendinî û cêserkewtiş ebedî bibîynî, manaya teessuratanê elîmanan û teellumatanê bêhêvîyan biynî. Labelê madem dinya yew meymanxane ya; gedeyo ke merdo eke şiyo ça/sera, şima zî, ma zî, şonîme uca. Û hem no merg tena semedê ey nîyo, yew cadeyo umûmî yo. Hem madem cêserkewtiş zî ebedî nîyo; îstîqbal de, hem berzax de, hem cennet de pêdîyayîş virazîno, ganî

اَلْحُكْمُ لِلّٰهِ

bêro vatiş. Ganî “Ey da, Ey girewt  "Elhamdulîllahî alâkûllîhal" bêro vatiş, sebir reyra şikir bêro kerdiş.