DERMANO VÎST Û DIYIN

   Ey nêweşo xidar ke felc dayo piro! Sifte, ez mizgîne dana to ke, felc mumîn rê bimbarek hesibîno. Rewna yo mi ney ehlê welayet ra eşnawitinî, mi sirrê ey nêzanaynî. Yew sirrê ey, no tewir ame qelbê mi:

   Dostê Homayî, semedo ke biresî Cenabê Heqî û tehlikeyê manewîyê girdî ê dinya ra bixelisî û saadeto ebedî xu dest fînî, hemtê xu reyra, di esasan dima şiyî. Yew tira: Rabitayê Mewt o. Yanî hawawo ke dinya fanî ya, o bi xu zî aye mîyan de yew meymano fanîyo wezîfedar o, nînan fikirîyayîş reyra cuyê xuyê ebedî rê no tewir xebitîyayî.  Ê diyinî: Semedê xelisîyayîşê tehlukeyanê nefsê emmare û hîssîyatê korî, pê ezêt, pê rîyazet xebitîyayî ke nefsê emmareyî bikişî.

   Şima, ey birayo ke nêmeyê sihhetê wicudê xu vînî kerdo! Bêhemtê to, to rê di esasê hameyî dayîş, ke kilm û asan î, û benî sebebê keyfweşey. Rewşê wicudê to her daîm to îqaz keno ke dinya zureyin a, însan şeye/şîyaye yo. Êdî dinya nêeşkena to bifetisno. Û nefso emmare nêeşkeno yew zato nêmmerdimî, pê hewesanê rezîlan û waştişanê nefsî, bixapîno, lezkanî belayê ey nefsî ra felitîno.

   Hayo, mumîn pê sirrê îman û teslîmîyet û tewekkul, sey felcî a nêweşeya ğidar ra, yew demo kilm de, sey ezîyetanê ehlê welayetî, eşkeno îstîfade bikero. O çağ a nêweşeya ğidari zaf erjan bena.