Kitaplar
Rîsaleya Nêweşan

   DERMANO ÇARESIN

   Ey nêweşo ke perde hameyo çimandê ey ser! Eke ti bizanî binê perdeyo ke hameyo çimandê ehlê îmanî ser de, senî yew nur û çimêko manewî esto, ti go “se hinzar ray şikir Rabbê minê Rehîmî rê” vajî. Seba îzahkerdişê nê melhemî ez wina yew mesela vana:

   Demey Suleymano Barlayic, ke mi rê heşt serrî, bêke zerra xu teng bikero, sedeqeto tam reyra, xizmet kerdibi, ‘emika ey roşnaya çiman ra bîye. A cenîya saliha, verê fekê berê camî de [polê] mi tepîşt, mi ra, heddê mi ra se derece vêşêr, husnê zen reyra va: “Semedê abiyayîşê çimanê mi dua biki”. Mi zî, dîndarey û pakeya a cenîya bimbarek û meczûbe xu rê şefaetçî kerdî û mi va: “Ya Rebbî, qandê dîndareya aye, çimanê aye aki.” Rojo diyin Burdur ra yew hekim hame, çimê aye kerdî a. Çores rojî dima hewna çimê aye padîyayî. Ez pê zaf ğemgên bîya, mi zaf duay kerdî. Înşaellah ê duayî semedê axîretê aye qebul bîyî. Nêgra a duaya mi, semedê aye yew zewta şaşi bîynî. Çunke, çores rojî emrê aye mendibi. Çores rojî ra pey, Homay rehma xu der bikero, sareyê xu rona. Hayo, a merda, herinda çores rojî pê çimanê pîzveşninan ê extîyarey, rezanê hezninan ê Barla ra ewnîyayîşî de, tirba xu de, çores hezar rojî rezanê Cennetî temaşekerdiş qezenç kerd. Çunke îmanê aye pêt, salahatê aye, yanî pakey û bêguneyîya aye, vêşî bi.

   Belê, yew mumîn, eke perde bêro çimandê ey ser û çimpadaye/çimnusxan şîro tirbi, gorebê dereceyê xu, şe keno ehlê qebr ra zaf vêşî o alemê nurî temaşe bikero (*)  Na dinya de senî ma zaf çîyan vînenî, mumînê ke kor î nêvînenî. Tirbi de ê korî, eke bi îman şiyo, hende ehlê qebr ra vêşêr vîneno. Seke durbînanê tewr rindan reyra bewnîyo, tirba xu de, gorebê dereceyê xu, rezanê Cennetî, sey perdeyê sînema vîneno û seyr keno. Hayo, wina yew çimo nurin ke bin herrî ra Cenneto ke asmên de yo vîneno û seyr keno, encax pê sebir, pê şikir destfînîyêno. Hayo, hekîmê çiman, o ke bieşko çimandê to sero ra ay perdeyî hewano, pê ay çimî ê çîyan bido to vînayîş, Qur'ano Hakîm o.

 

Hata Bildirim Formu
Sayfalar
12345678910111213141516171819202122232425262728293031323334353637383940414243444546474849505152535455
Fihrist
Lügat