Kitaplar
Rîsaleya Nêweşan

   DERMANO DUYESIN

   Ey nêweşo ke semedê nêweşey ra îbadet û wirdê xu ra meheyr mando û seba a meheyrey ra xu dejneno! Bizani ke, hedîs dir qet’î yo, “Mumînêko muttaqî, sewabê wirdê xuyê daîmîyî, ke semedê nêweşey ra nêeşkeno bîyaro ca, wextê nêweşey de ay sewabî fina qezenç keno.” (*) Çiqas ke dest ra hame, nêweşo ke ferzan ca bîyaro, la nêşna sunnetan bikero, semedo ke sebir û tewekkul reyra ferzan ca ano, a nêweşeya ğidari, seba nîyetê eyê zerrsafîyî ra, herinda sunnetan gêna.

   Hem nêweşey, ‘ecz û zeîfeya ke însanî de ya, ana ey vîrî. Ziwanê a ecizey û zeîfey ra, hal û qal reyra yew dua dana ey kerdiş. Cenabê Heqî, yew ‘eczo bêhed û yew zeîfeya bêpeynî daya însanî ke her daîm dormareyê kêberê Îlahî de bigeyro, bilebîyo, duayan biko. Pê sirrê

قُلْ مَا يَعْبَؤُا بِكُمْ رَبّ۪ى لَوْلَا دُعَٓاؤُكُمْ

reyra, yanî; “Eger duaya şima çinî bo çi qîmetê şima esto?” Sebebanê duayanê zerrsafîyan kerdiş û venga Homayî dayîşan ra yew zî nêweşey a, ke dua û lebîyayîş hîkmetê xelqbiyayîşê însanî û sebebê qîmetê însanî yo, coke ra, ci ra gerre ney, Homay rê şikir kerdiş îcab keno, û ganî sihhetê xu xu destvistiş ra dima musluğa duakerdişî, ke pê nêweşey bîya a, nêro padayîş  

Hata Bildirim Formu
Sayfalar
12345678910111213141516171819202122232425262728293031323334353637383940414243444546474849505152535455
Fihrist
Lügat