DERMANO YONDESIN

   Ey biraro nêweşo bêsebir! Nêweşey, her çiqas yew elemo amade dana to, nêweşeya toya verên ra heta nikay zî, yew lezzeto manewî ke vîyartişê a nêweşî ra yeno, û yew lezzeto ruhanîyo ke sewabê aye ra yeno, dana to. Ewro ra, belkî na saet ra pey, nêweşey çinîya; helbet çinbiyayîş ra elem çinîyo. Eger elem çinî bo dej çinî beno. Semedo ke zennê to ğelet o, bêsebrey to de peyda bena. Çunke, şiyayîşê heme wextê nêweşeya toya maddîya verêni reyra, elemê aye zî pa şiyo, lezzetê xuyê sewabî û lezzetê şiyayîşê aye (lezzetê nêweşey ra xelisîyayîşî) mendo. Herinda qezenç û zerrşadey de, înan fikirîyayîş reyra xu dejnayîş û bêsebrey kerdiş xîntey a. Rojê ke vernîya ma dî, madem hema nêhamey. Nika ra, seba rojêko çinbeye, nêweşeyêka çinbeya, dejo çinbeye fikirîyayîş, xu vera înan dejnayîş (qesebaya xu helnayîş), yanî hîrê dereceyanê çinbiyayîşan rê rengê beye dayîş, xîntey nîya la çî ya?

   Madem wextê nêweşeya vîyerta nika zerrşadey dano, û madem îstîqbalo ke na saet ra pey yeno çinîyo, nêweşey çinîya, dej çinîyo. Ti, sebroke Homay Taela dayo to, rayîro çewt de vila meki, seba elemê na saeti abirni, “Ya Sabûr” vaji, daymîş bibi.