DERMANO NEWIN

   Ey nêweşo Xaliqşinas! Semedo ke nêweşey bena sebebê mergî coka zerra kê tira bena tengi û merdim tira xof keno û terseno. Semedo ke merg, çimê ğefletî de û cîhetê xuyê zahîrîyî de, merdimî qirt ra keno, o sebeb ra nêweşeyê ke benî wesîleyê mergî merdimî tersnenî, telaş danî kê.

   Sifte bizani û qet’î bawer biki ke, ecel qeder reyra bellî yo, nêbedilîno. Zafî merdimî ke sihhetê xu ca de bîyî û ser nêweşanê ğidaran de bermayî, merdî, ê nêweşê ğidarî şîfa dîyî, weş bîyî.

   Ê diyinî: Merg haway asayîşê xu, xofin nîyo. Zaf rîsaleyan de gelek qet’î, bêşik, bêguman, pê nurê Qur-anî, ma îspat kerdo ke, merg seba ehlê hîdayetî kulfetê wazîfeyê heyatî ra yew terhîs o. Hem îmtîhanê dinya ra, wezîfeyê ubûdîyetî – ke sey talîm û talîmatî yo- ra yew paydos o. Hem se ra neway û new sebebê resayîşê dost û embazan o ke şiyî alemo bîn. Hem yew wasitayo ke înan resneno warê înan ê ebedî û meqamê înan ê saedetî. Hem no zindanê dinya ra dawetbiyayîşê bostanê Cennetî yo. Hem îkramê Xaliqê Rehîmî ra,semedê mukafat û heqê ‘emelê xuyê rindî girotişî, yew newb a. Madem nuqtaya heqîqetî de mahîyetê mergî no tewir o; neke merdim tira biweqifîyo, bîlaeks merdim gerek bizano ke destpêkê rehmet û saadetî yo.

   Hem dostanê Homay ra tayn ewlîyayî merg ra tersayîşê înan, xofê merg ra nîyo. Belkî, semedo ke hîna vêşî xeyr xu dest fînî dewmdîyayîşê wezîfeyê heyatî xu wazenî. Belê, merg ehlê îman rê berê rehmî yo, ehlî dalalet rê zî bîro zulmatino bêpeynî yo.