Kitaplar
Rîsaleya Nêweşan

   DERMANO HEŞTIN

   Ey nêweşo ke axîretê xu fikino! Nêweşey, haway sabunî, leymê guneyan bena, temîz kena. Hedîso sehîh dir ispat bîyo ke nêweşey kefaretê guneyan a. (*) Hem hadis de vêreno ke: “Senî roşanayîşê (têşanayîşê) dara resaya reyde meyweyê aye rişenî; o tewir, refşîyayîşê yew nêweşo îmandarî guneyan rişneno(roşaneno).” (*)  Guneyî, heyato ebedî de, nêweşeyê daîmî yî; no heyato dinyayî de zî guneyî, semedê qelb, wîcdan, ruh nêweşeyê manewî yî. Eger ti gerre nêkerî, sebir bikerî, xeyrê na nêweşeya muwaqet ra, ti gelek nêweşeyê daîmîyan ra xelisînî. Eger ti goş guneyan ra nêkewî, yanxo ti axîretî nêzanî, yan zî ti Homay nêşinasnî, to dir hende yew nêweşeya ğidari virazîna ke, na nêweşeya toya şeniki ra mîlyon ray hîna ğidar a; Aye ra feryad biki. Çunke, qelbê to, ruhê to û nefsê to, heme mewcudatê dinya dir eleqedar î. Bidewm sebebê cêserkewtiş û çinbiyayîşî ra, o eleqe birîno û to dir birînê bêhedî abenî. Baxusûs semedo ke ti axîretê xu nêzanî, ti vanî qey merg îdamo ebedî yo, seke, mîyanê rêşan û dirbetan de, sey dinya yew leşa toya nêweşi esta. Hayo,verê verkan na leşa toya manewî û xişni, ke mîyanê rêşan û birînan de ya, nêweşeya aya ğidar rê gerek daruyê îmanî bêro cakerdiş/peydakerdiş, ke [îman yew] daruyo qet’î yo û yew dermano ke qet’î şîfa dayox o, û bawerîya xu duristkerdiş îcab keno. Semedê peydakerdişê/vînayîşê ay daruyî, rayîro tewr kirr, pê ‘ecz û zeîfeya xu, qudretê yew Qadîrê Zulcelalî û rehmetê ey şinasnayîş o. Perdeyê ğefletî nêverdano ke însan ‘ecz û zeîfeya xu bizano, la na nêweşeya maddî ay perdeyî dirnena, poxtê no dirîyayîş ra to rê yew paca abena ke ti pê ‘ecz û zeîfeya xu bivînî.

   Belê, Homaynenasî sero yew kermata belayî estî. Dinyaya Homayşinasî bi nur û zerrweşîya/zerrşadîya manewî dekerda ya; goreyê dereceyê xu, pê qewetê îmanî, hîs keno. Binê nê zerrşadey û şîfa û lezzetî de, ke îman ra yeno, elemê nêweşeya maddîya şeniki helîno, ‘encirîno.

Hata Bildirim Formu
Sayfalar
12345678910111213141516171819202122232425262728293031323334353637383940414243444546474849505152535455
Fihrist
Lügat