Kitaplar
Rîsaleya Nêweşan

Ê elemî, ê qedayî/musîbetî cim-cerat biyayîşê xu reyra ruh de yew lezzet verdanî, eke ay lezzet fikirîyayîş reyde bêro aşanayîş, ruh ra yew lezzet herikîno, şikrî tira dalpey kenî. Çîyê ke “way limin, way limin” danî to vatiş; halê toyê vîyarteyê lezzetin û rehetin î, ke çinbiyayîşê xu reyde ruhê to de yew elemo daîmî verdanî, ti çi gam înan bifikîrîyî o elem fina ber beno, qehr û qotik û bêrîyan herikneno.

   Madem, lezzeto ğeyrê meşrûyo yew roje, ray-rayan yew serri elemo manewî dano antiş. Û elemo muwaqeto ke nêweşeya yew roja reyde yeno, tede hem xeyr, hem yew lezzeto manewî esto ke a nêweşey ra xelîsîyayîş û reyayîş ra yeno. Ti nika netîceyê na nêweşeya muwaqeti, ke to sareyî ser da ya, û xeyro ke aye mîyan de yo bifikiri, “no zî vêreno, ya Hû” vaji, herinda gerreyî de şikir biki.

 

   DERMANO ŞEŞIN (Haşîye)

   Ey birayê mino ke zewqanê dinya fikino û nêweşey ra dej anceno! Na dinya eger daîmî bibîynî û merg rayîrê ma sero nêbîynî û vayê cêservistişî û çinkerdişî nêhameynî, û îstîqbal de, manewî mewsimê zimistano musîbetin, firtinayin çinbiynî, ez zî to reyra semedê nêweşeya to bermaynî. Labelê, madem dinya go yew roc ma ra vajo “haydî vejînî teber”, go qîrînanê ma ra goşanê xu pado. Heta ke a ma teber nêkerda, îqazanê na nêweşey ra, ma nika ra gerek eşqê aye ra vazgeç bibî. Verê ke a ma caverdo, ma ganî ğeyret bikerî ke qelben aye caverdî. Belê, nêweşey na mana ma rê îhtar kena, û vana ke: “Leşa to kemer ra, asin ra nîya. Belkî wina maddeyanê cîya-cîyayan ra hameya meydan ke tim hêginê cêserbiyayîşî yî. Qurretey ra fek vera di, ‘eczê xu fehm biki. Wayîrê xu bişinasni, wazîfeyê xu bander bi, ti çi rê hameyî dinya bizani.” Pinanî, goşê qelbi rê nînan îxtar kena.

   Hem madem zewqê dinya, lezzetê aye dewm nêkenî. Baxusûs eke meşru nêbî, hem bêdewm, hem elemin, hem guneyin benî. Sebebê nêweşey ra, o zewqo ke to vînî kerdo, qandê ey mebermi; bîlaeks îbadeto manewî û xeyro uxrewî, ke nêweşey de esto, ey biduşmîşi, zewq bigîri.

Hata Bildirim Formu
Sayfalar
12345678910111213141516171819202122232425262728293031323334353637383940414243444546474849505152535455
Fihrist
Lügat