Kitaplar
Rîsaleya Birariye

   WECHO DİYIN:

   Hem nezerê hîkmetî de zî zulm o. Çunke malum o ke, ‘edawet û muhabbet yanî dişmeniye û sînayîş hezey roşn û tarî ziddê yewbînan î. Her di, manaya xoya heqîqî de têreyde kom nêbenî.

   Eger muhabbet yanî heskerdiş, goreyê sebeb û berziya xo yew qelb de, manaya xoya heqîqî reyde, ca girewte bo, ay çax ‘edawet yanî dişmeniye mecazî bena, vuriyêna kewena suretê pîzeveşniye. Belê, mumîn birarê xo ra hes keno û lazim o ke hes bikero. Labelê seba nebaşî û xirabiya ey tena qesebaya ey veşena. Neke bi tehekkûm belkî rindiye, holiye û weşiye reyra seba islahê ey xebitîno.Coka, hukmê hedîsi de eşkare caîz niyo ke “mumîn birarê xoyê mumînî ra hîrê rojî ra vêşêr bicigiriyo û ey reyde qalî nêkero.” Eger sebebê hesnêkerdişî xelebe bikero û ‘edawet, heqîqetê xo de qelbêk de mewcut bo, ay çax muhabbet/heskerdiş mecazî beno, keweno suretê rindiya zorakî û bider wayîr vejiyêno.

   Ey merdimo bêînsaf! Nika biewni, birarê xoyê mumîn rê kîn û ‘edawet çiqas zulmêko ‘ezîm o.Çunke, senî eke ti vajî na siya adî û qijkeki Ka’beyê Şerîf ra dahîna biqedr û qîmet a û Koyê Uhudî ra girdêr a, ti bêaqiliya xirabe kenî. Eynen winî zî o îmano ke hurmetê ey sey Ka’be yo û o îslamiyeto ke girdiye û ezametê xo sey Koyê Uhudî yo û mislê înan gelekî wesfê îslamiyetî ke muhabbet û îttîfaq wazenî, merdim warzo tay qusurî ke benî sebebê hesnêkerdişê mumînî, ke hukmê înan sey kemeranê adiyan î, herinda îman û îslamiyetî de înan tercîhkerdiş,sey mîsala verîne, bêînsafey û bêaqiley a û zulmêko ‘ezîm o, eger aqlê to est bo ti fehm kenî.

Hata Bildirim Formu
Sayfalar
123456789101112131415161718192021222324252627282930313233343536373839404142434445
Fihrist
Lügat